KRALENDIJK,Bonaire
A kita Sint Maarten for di e lista di paisnan ku riesgo abou. Na e isla tin hopi persona ku e malesa di COVID-19. Na mesun momento a disidí pa tene espasio aéreo sera pa paisnan ku riesgo haltu te promé sèptèmber.
Bo ta bonbiní atrobe na Boneiru si e pais for di unda bo ta bini for di dje ta riba e lista di paisnan seif. E paisnan seif ta Aruba, Kòrsou, Saba, Sint Eustatius, Hulanda, Bèlgika, Fransia i Suisa. Si e pais di unda bo ta bini for di dje no ta riba e lista, bo tin ku warda pa bini Boneiru òf bai 14 dia den karentena riba bo propio gastu.