Presidente di directiva di centro di bario Dakota Carmicheal Bikker a pone un anochi special pa invita sponsor nan, esunnan cu ta colabora cu e centro y tambe mandatarionan pa conoce cu e proyecto di centro di bario Dakota. Sinembargo Centro di bario tin su historia y directiva ta kere firmemente cu Aruba no tin mag di lubida e pasado cu a construi e futuro cu nos ta aden na e momentonan aki.
Esunnan cu a kere den e proyecto di centro di bario Dakota cu desde cu e yamada a bin for di Hulanda pa un persona y e persona a hiba pa e comision y e comision cu a kere den e persona di Frans dudu adonis pa lidera henter e comision pa construi centro di bario na Dakota.
Den un anochi placentero a presenta e master plan na gobierno di Aruba y tur partner nan y sponsor nan pa mira den ki direccion centro di bario Dakota ta bay. E master plan ta un proyecto di dos aña cu lo keda cla cu ne unda cu lo e bira un centro di excelencia caminda cu no solamente tin un team di futbol , basketball y vollyball , pero ta cuminsa crea lider nan bek den nos comunidad door di yuda pa tin un opvangcenter caminda cu muchanan por bin merdia y por haya nan bijles , nan guia unda cu por yuda nan cu nan tareanan cu ta dificil pa nan pa asina nan bira lider nan den nos comunidad.
Un anochi yena cu informacion y cu hopi gana pa traha pa nos siguiente generacion. Presidente di centro di bario Dakota ta sumamente contento cu por a presenta e masterplan y ta contento tambe cu e respuesta nan cu a ser haya despues di a presenta e vision pa centro di bario Dakota tabata positivo. Asina tambe e animo ta keda pa sigui pusha y traha pa e futuro generacion.
