Personanan na Aruba cu ta gusta gamble y bet a haya nan mes cu un situacion fastioso. Diadomingo tabatin un wega di Georgia contra seleccion di Spaña. E bet tabata mustra hopi bon si tira e chens riba Spaña. Demasiado halto mirando e seleccionnan cu lo enfrenta otro.
Mirando con e odds tabata hopi hende a tira riba Spaña pasobra tabata sa cu e chens pa Georgia gana Spaña ta minimo. Cualkier hungado lo por a mira cu e odds cu e compania (di Las Vegas) a pone ta straño.
A resulta cu e compania estableci na Las Vegas a pone un linea robes. E linea mester tabata Spaña -550 como cu e tabata e gran faborito. Parce cu a type robes ora cu a hinca e linea di e wega Spain/Georgia y a pone +850.
Segun informacion cu nos a ricibi ta indica cu e reglanan di cas, di e casinonan na Aruba y rond mundo, ta bisa cu cas por cancela / declara nulo cualkier ticket cumpra pa saca bentaha di un linea skirbi robes.
“A cera e wega Spaña / Georgia y no ta tuma ningun bet mas,” ta loke e compania di Las Vegas a manda informa e casinonan rond mundo. Debi na e situacion tambe a elimina e wega for di e board di betmento y ta debolbe placa na tur esnan cu a bet.
