COLECTIVA 2 ta hunta ocho artista di diferente generacion y estilo: Glenda Heyliger, Sharina Gumbs, Elly Refunjol, Kenna Foxford, Lenny Lea, Dimanche-Jolie, Tuesday Irwin y Hugo Parra.
E proyecto ta parti di e programa experimental di Art Rap Foundation, desaroya na su sede ZEER TROPISCH Art House, caminda arte ta sali directamente for di e interior di e comunidad.
E metodo di curaduría relasional aki, no ta buska confronta opinion individual, sino traha cu loke ta evidente, cu loke ta existi den bida diario, den e memoria y sintimento di e comunidad di San Nicolas.
COLECTIVA 2 ta nace for di un Club di Dibuho cu ta explora e relashon entre arte y cultura di barnan di San Nicolas cu su animeremeisjes, cu ta parti di e bida di anochi, y semper nan a wordo documenta door di arte. Nan a wordu invita pa participa manera modelo y interlocutor den e Club, caminda cu observashon,dialogo y gesto artistico nos a crea un acto di reconocimento y resiprocidad.
E exhibicion aki ta e continuacion di un proyecto anterior cu a wordo dedica na barbero y artista di tattoo, asina continua cu un sirie di accionan pa activa e comunidad di San Nicolas for di su mesun practicanan local. Awor cu un enfoke riba e cultura di barnan nos kier cuestiona, con nos por bira un comunidad di encuentro, resilensia y expression. ART RAP Foundation kier contribui pa crea y reforsa diferente claims cu por estimula e percepcion publico y activa e comunidad for di su cultura y su ecosistema economico.
Den su escensia, COLECTIVA 2 ta e resultado colectivo di observacion, cu un intento pa compronde e spiritu di un nos luga dor di un simepl dibuho, documenta nos presensia y interaccion humano.
Apertura: diasabra 15 di november, 7:00 p.m.
Luga: ZEER TROPISCH Art House, San Nicolas, Aruba
Dilanti di Charlie’s Bar.
Produci pa: Art Rap Foundation
Curador: Nelson González
Press release: Art Rap Foundation
