Na UNOCA a tuma luga un anochi hopi special. Autor y Poeta Rutty Vrieswijk Bergen di Buki Rene su dushi wega. E buki ta un storia pa mucha lesa y di chikito siña tene nan luga limpi. E buki tin mas cu 20 pagina, e ta un buki chikito cu hopi ilustracion pa e mucha por compronde hopi mas miho kico ta e importancia di tin nan camber limpi y yuda mama cu papa na cas. E buki ta specialmente pa mucha di kleuter y eerste klas.
Pa Rutty Vriesdwijk Bergen esaki ta un dia hopi special unda cu e ta su prome buki na papiamento y pa mucha. E inspiracion di e buki a bin door di su yiu homber chikito y cu e storia a keda skirbi hopi aña atras desde cu e yiu mas chikito tabata un mucha chikito. Den un momento cu e yiu tabata hunga Ruty como mama ta sinta na banda y ta wak su yiunan y a cuminsa skirbi loke ta pasando, esaki a sosode na aña 80 .
Sinembargo nunca no a haci nada mas cu e storia e la keda warda, pero recientemente cobando den cashinan a bin topa cu e storia y awe a dicidi di haci un buki di dje. Ruty a presenta e storia na UNOCA y nan a bira masha contento cu esaki y a apoya e artista pa haci e storia un buki pa nos muchanan. Cu yudansa di Joyce Perreira y Joycelyn Croes a yuda pa duna contexto na e storia mirando cu e tabata hopi specifico y compact, pero e tabata un storia real. E buki por haya cerca su persona mes of na plaza boekshop y Vandorp. Awe diasabra for di 1 or pa 2 or Autor Lady Ruty Vrieswijk lo ta na Plazaboekshop na Dakota pa benta y firma di buki.
Ruty Vrieswijk ta gradici UNOCA y Aruba Bank pa e sosten, Aruba Bank ta bay regala kleuterschoolnan y eerste klasnan un buki pa nan bibliotheek.
