Esteban Peasch ta discusta riba e situacion medico na Aruba, segun mr Peasch AZV tin man riba cabes di dokter Petronilia. Segun e ciudadano cu e dokter a haci mal trabao cu su persona. Na momento cu a bay bishita dokter y den su despacho hunto cu su dos assistentnan e la ricibi un hangua y segun Esteban Peasch esaki tabata anestesia.
Na momento cu e ricibi e hangua nan tabata puntra su persona si e ta sinti algo cayente ta bin ariba, segun mr Peasch e la indica na e dos assistentnan y e dokter cu si e tabata sinti algo ta bin ariba, e cayente a keda subi y subi te cu e la yega bao di e pulmon. Esaki tabata e ultimo parti di Esteban Peasch ta corda na momento cu e la grita “ Er is iets fout “.
Na momento cu e cayente a subi y yega e pulmon e la tapa e pulmon y e ora no por a papia y haci nada mas y na mes momento diripiente e la dal e curason y a bay inconsciente. Segun Esteban Peasch esaki ta e momento cu nan a mata su persona.
Por a compronde cu for di 8 or di mainta cu tabata na dokter te cu 8 or di anochi a keda hinca den cuido intensivo, banda di 7:30 a keda saca for di cuido intensivo y a bay den camber riba piso den hospital. Na momento cu tabata den e camber, mi sa cu loke nan a haci ta cu nan a mata su persona, asina Esteban Peasch ta sinti y den e camber di hospital a cuminsa bloter tur cos paso a rabia y bira asina razo debi cu ta kere firmemente cu loke a pasa nan a trata di mate. Tur esaki ta situacionnan cu a pasa despues cu a bin na tino bek.
Despues di tur e parti aki Esteban Peasch ta duna di conoce cu e no a keda bon, e la keda cu hopi dolor na su curason. Sinembargo dicon a bishita e dokter petronilia ta pa motibo di e rudia cu e tin malo.
Segun Esteban Peasch mi mester a bay dokter Cabenda un tempo debi cu a haya mi mes den un situacion fastioso unda cu mi tabata na un sitio, mi a mira algun mucha ta hunga kiniki unda nan tabata tirando douw y pa curiosidad a bay mira kico nan ta haci na momento cu e yega den e grupo di hobennan aki diripiente recherchenan a baha, mi persona no tabata sa , segun Estaben Peasch.
Na e momento ey recherchenan a dal su persona cu un billy tras di su orea y asina a kita cay riba rudia, pero despues a lanta di golpi y a core bay. Despues di e situacion aki a resulta cu dokter Cabenda a corta tras di su orea y wak e situacion debi cu e orea a hincha bira grandi unda cu mester a haci un operacion. Na momento cu e haci e operacion cu Dokter Cabenda y a caba, un di e verpleegsternan a duna un hangua, y ora cu a yega cas a hera bira loco paso e curpa a cuminsa grawata tur caminda.
Tambe e parti intimo di homber a keda afecta y a cuminsa grawata esaki y a hacie malo. Despues cu a trata diferente cos hasta bay lama y nada no a funciona a dicidi di bay eerstehulp y na unda cu a haya un antibiotica, pero e punta di e parti intimo a cera y no por a orina mas. Asina dokter Petronilia a bin padilanti unda cu a opera e parti intimo y a keda yuda despues.
Sinembargo Esteban Peasch no ta compronde dicon dokter Petronilia a pasa un hangua cu a bay para su curason y na unda cu e mester a bay den cuido intensivo. Actualmente mi tin 72 aña di edad y loke cu a pasa ta doloroso, mi a muri practicamente completo y esaki a pone cu no tin confiansa den e dokter y a bisa e dokter tambe, paso a keda cu miedo si por muri.
Loke cu Esteban Peasch ta reclama ta cu AZV tin man riba cabes di doter Petronilia di loke cu a pasa, te awe tin 4 aña cu a pasa y ta warda pa haya un yudansa. Mi persona a cay na cas riba e rudia y a kibra e meniscus di pia, na momento cu esaki a pasa a core bay IMASN y na IMSAN a duna indicacion cu probablemente e meniscus a kibra, pero cu mester bay na un dokter pa declara esey, e tempo ey a bay na dokter Kuiken y e dokter a manda saca un potret y e resultado di esaki ta cu e meniscus ta kibra. Pero no lo opera mr peasch paso tin problema cu curason y pulmon.
Asina a keda cana diferente caminda y na diferente dokter y ningun dokter no kier opera su persona debi cu e ta un pashent di risico halto di Curason y e pulmonnan tampoco no ta bon debi na e situacion cu a pasa cu dokter Petronilia.
Awe Esteban Peasch ta cana cu su meniscus kibra y ningun dokter no kier opera su persona. Sinembargo a sigui cana diferente caminda unda cu a bay dokter de kort tambe y dokter de kort a laga su persona haci un test di curason, e resultado di e test aki a sali positivo unda cu e curason ta perfectamente bon, Despues cu e dokter a caba di examina su persona e dokter su palabranan tabata “ Mr. Peasch ohala mi tabatin un curason mane di bo, paso bo curason ta fuerte y bon, bo no tin falta di nada” Asina dokter de Kort a indica despues di e resultadonan cu a sali di e test nan.
Cu e resultado aki Esteban Peasch a keda sorprendi, mirando tur loke cu e pasa cu su persona. Mirando tur loke cu a sosode e conclusion di Esteban Peasch ta cu AZV tin man riba cabes di dokter Petronilia. No a haci un keho oficial ainda, pero kier haci e keho oficial aki debi cu mirando kico tur a pasa no a opera su persona y ta cana cu e meniscus kibra ainda debi cu dokter Petronilia a haci un mal trabao riba su persona.
Mirando cu ningun dokter na Aruba no kier opera su persona, a haci peticion pa manda su persona afo sea ta Hulanda of Colombia pa por opera y debi cu ya caba a opera un di e rudia nan na Hulanda caba a opta pa bay Hulanda mes, pero lamentablemente AZV no tin deseo di manda su persona pa bay opera na Hulanda, debi cu Hulanda ta mucho caro y AZV no ta manda ningun hende Hulanda, segun Esteban Peasch.
Awor Estaban Peasch ningun dokter na Aruba kier opere y tampoco AZV kier mande afo e ta den un situacion cu no por opera pero tur dia ta grita di dolor paso e meniscus ta kibra y ya caba tin aña aden y aña afo ta bebe pilder pa no sinti mucho dolor. Esaki ta un situacion cu tin e ciudadano preocupa y no sa mas kico pa haci.