Awe tardi a wordo conoci e tristo noticia cu colega di prensa, Gina Burleson-Werleman, a fallece repentinamente.
Gina Burleson-Werleman tabata ampliamente conoci den mundo di prensa como fotografo, un profesion cu e a eherce cu dedicacion durante hopi aña den e mundo social y deporte na Aruba.
Gina Burleson-Werleman tabata colega di nos director di EAnews y a traha hopi aña hunto cu Gina den diferente area. Staf y personal di EAnews ta expresa su sincero condolencia na famia, amigonan y sernan keri di Gina, principalmente na su unico yiu homber hopi forsa den e momento tristo aki.
Cu Gina Burleson-Werleman sosega na pas.