Local

COMO ARUBIANO, SEGUN E LEY TEMPO EY, MI A BIN NA REMARCA PA HAYA LIBER DI IMPUESTO. ESEY NO TA NADA ILEGAL.

banner

ORANJESTAD,Aruba

Ta Gobierno a bin cu un ley pa tanto inversionistanan estranhero como local por a haya liber di impuesto pa incentiva inversion den nos economia. Mi  a manda solicita esaki y a haye legalmente. Nada contra ley. Mi no tin nada di sconde. E Gobierno di e tempo ey por a nengue y lo mi a gana nan dilanti corte, debi cu ta un ley, no un fabor politico.

For di ningun Gobierno mi a haya un fabor politico y a retira como empleado publico cu schaal 10 un miserable salario, 36 aָña, sin nunca cobra overtime. Tin temporada trahando 12 pa 14 ora diariamente, hasta den weekend.

Cu mi a yega lew den mi bida danki na Dios cu a duna mi un talento y mi pueblo su semper a respalda mi, tur negoshi mi a stop cu nan pa mi por a yuda señor Betico Croes dfm pa asina nos por a logra e Status Aparte, cu despues a ser masacra door di tur politiconan, kendenan no tabata por a maneha nos finanzas publico y awe ta den man di Hulanda. Un Status Aparte sin finanzas no ta un Status Aparte.

Ex Prome Ministro mi ta conseha bo un bez mas google y lesa e buki: “25 jaar Status Aparte Een Politiek paradijs, scirbi pa Armand Hessels y Henry Coffi y comproba pa bo mes cuanto miyones Gobernantenan a haya tanto den pensioennan cu ta cuminsa di 20, 30 te 70 mil florin pa luna, mas overbruggingstoelage cada cu tin elecion, cu tambe ta yega na miyones miyones. No ta ami a bisa, pero esnan cu a scirbi e buki, kendenan a haci un estudio profundo y a saca afor e abusonan aki. Esey tabata 10 aָña pasa y e fiesta a sigui te cu awor cu Aruba ta para ariba su pia y awe ta para na rand di bancarota. Danki Hulanda cu tanto bo ta odia.

Menciona cu bo a traha pa pueblo, anto disfruta di un pensieon y overbruggingstoelge miyonario, no ta traha pa pueblo.

Mi por bati ariba mi pecho cu desde mi tabata hoben mi a traha boluntariamente pa nos pais y te ainda mi ta haciendo, trabownan buluntario, yudando specialmente un pueblo pober sin cuminda, carisimo, cu a keda atras di un Status Aparte cu a destrui nos pais completamente. Berguensa bo mester tin di menciona cu esaki ta traha pa pueblo.

Mi gran respet pa tur esnan cu actualmente tur dia ta percura pa famianan pober di nos comunidad tin cuminda pa come.

Bo gana pa Aruba haya su INDEPENDENCIA ta caso perdi, na unda Aruba lo haya biyones y biyones pa tin un ejercito cu avionnan di guerra, barco di guerra y miles y miles di soldat? Unda Aruba lo haya miyones y miyones pa paga un cuerpo diplomatico, pa asina nos pasport realmente tin un balor? Aruba no kier un indenpendencia y no kier perde nan pasaporte Hulandes.

Esey ta nos lucha pa sigui conserva nos pasaporte y garantiza nos pais un gran futuro, sin fraude, fabornan politico pa amigo y famia, pensioennan y overbruggingstoelage miyonario.

Kere mi ex Prome Ministro cu e pobreza cu e epidemia aki lo bira luna pa luna mas grandi. Pueblo lo lanta pa haya cuminda pa come.  Tur esaki door di mal maneho di tur Gobierno cu nunca a percura cu Aruba tabata tin un reserve pa den tempo di calamidad.

Pa bo informacion pueblo a comprende bon cla cu ta para sigur den nan zapato pa caba cu tur abusonan di poder cu a tuma lugar den nos Status Aparte.

Einstein a bisa: Ningun hende por drecha loke e mes a daña o causa.

Atan Lee sr. semper ta keda un persona humilde y cu su corazon pega cu di su pueblo, dunando respet y balor na tur hende.

INPENDENCIA NUNCA, NOS TA STIMA NOS PASAPORTE HULANDES.

MOVIMIENTO FUTURO SEMPER ARIBA UN NIVEL, PA EDUCA NOS HOBENNAN.

Related posts

FREEWINDS TA HASI UN DONACION NA ARUBA PA YUDA BRINGA COVID-19

EA News Author

Enseñansa ta keda un prioridad pa Colegio EPI

EA News Author

Kico lo por ta un ”normal nobo” pa e periodo despues di COVID-19 teniendo Naturalesa y Medio Ambiente na cuenta

EA News Author

2 comments

Leidy Ana Ozuna June 2, 2020 at 7:04 pm

Completamente di acuerdo cu bo persona. Sr. Atan Lee

Reply
Ray June 3, 2020 at 7:18 am

Bo sa, si bo puntra e generashon actual kiko nan ta pensa di “status aparte”
Ta un contesta lo bo haña,
1. Nan no ta interesa den “status aparte”
2. Nan kièr un Bon trabao cu Bon pago cu nan por haci locual nan kiér.
3. E generashon aki ta mas open minded y ta hopi critico ora ta papia
Politiek.
4. Nan ta Mira persona nan “sin un education” ta haña posiciòn nan clave den gobiérno. Ynan cu ta studiá no ta haña oportunidad.

Reply

Leave a Comment