Mirando e ‘investeringsfonds’ lo mester ta un fondo pa e Pais progresa y su ciudadanonan y aparato gubernamental ta optimal, loke cu ta keda presupuesta pa cada ministerio pa maneha nan departamento nan no ta mustra di ta focus pa mehoracion di aparato gubernamental.
Cu hopi sorpresa por a tuma nota di Presidente di sindicato di Polis (SPA), Lito Lacle, a lansa un pisa cuestionamento riba e maneho financiero di Gobierno di Aruba. E drop fatal ta e asina yama ‘investeringsfonds’ di 40 miyon florin presenta pa Minister Geoffrey Wever, un suma cu riba papel ta zona grandi, pero den realidad mester wordo ‘parti’ pa cubri e necessidadnan di no menos cu shete (7) ministerio den nan totalidad, lagando Cuerpo Policial (KPA) un biaha cu hopi pregunta kico lo ta bay ta e futuro di e cuerpo si no pone placa necesario disponibel.
Un Pochi di ‘Sucu’ pa 7 Ministerio
Pa SPA, e situacion financiero aki ta mas cu doloroso, e ta un falta di respet pa e siguridad nacional. Lacle a splica cu, a traves di Minister Geoffrey Wever, a crea e fondonan aki pa inverti den henter e aparato gubernamental. Sinembargo, e 40 miyon aki tin cu wordo plama asina tanto entre 7 ministerio cu te asina leu no tin ningun bista, ni un claridad, di kico exactamente ta e parti of e “pochi” cu lo toca KPA.
Ante e escenario aki, e lider sindical ta cuestiona abiertamente si siguridad y Cuerpo Policial mes ta un prioridad pa e gobierno aki.
“Kico ta e costonan structural pa reorganiza Cuerpo Policial? E dos contestanan ey nos no a haya nan ainda,” Lacle a enfatiza cu firmesa.
No ta Yega na Nada”: Placa pa Proyecto, Scarsedad pa e Trahado
E preocupacion y indignacion ta bira mas grandi ora ta mira con e fondonan di e ‘investeringsfonds’ aki ta wordo generalisa pa full e aparato gubernamental pa asina propaganda proyectonan, mientras e personal ariba caya ta bati alarma pa refuerso. Awe SPA ta vosifera pero tin diferente departamentonan di gobienro cu aparentemente minister Geoffrey Wever ta laga nan “BLOEDDOOD”, pero ken ta para responsabel pa esaki ?.