Servicionan di Prevencion Colectivo (CPS) a conclui cu exito su actividadnan di Siman Mundial di Lachi di Pecho 2026, cu e gran clausura den e di 3 Feria Anual di Salud pa Mama, teni diasabra 8 di augustus 2026.
E actividadnan di e aña aki a tuma luga bou di e lema: “Lachi di Pecho pa un Cuminsamentu Sostenibel den Bida: Fortalese loke ta funciona.” E lema a destaca e importancia di fortalese e sistemanan di sosten cu ya caba ta disponibel pa mama, mucha, y famianan den comunidad.
CPS aparticipa den Siman Mundial di Lachi di Pecho den colaboracion cu Sint Maarten Medical Center (SMMC) y White and Yellow Cross Care Foundation (WYCCF). Mientrastanto cu cada institucion a coordina su propio programa, CPS a uni na actividadnan di socio manera SMMC su Sip & Paint y WYCCF su Story Time. CPS a lidera dos iniciativa principal: e Campaña di Concientisacion riba Lachi di Pecho y e di 3 Feria Anual di Salud pa Mama.
Pa 2026, CPS a lansa un Campaña di Concientisacion riba Lachi di Pecho entrades di 25 di juli te cu 7 di augustus 2026. Mamanan a wordo anima pa comparti un potret di ta duna pecho riba Facebook, marca Collective Prevention Services, y anima amigonan y famia pa interactua cu nan post. Yosheira Euson a ricibi e mayor interaccion cu 325 likes, y a gana un brunch pa dos cortesia di Oyster Pond Beach Resort/Infinity Restaurant.
E di 3 Feria Anual di Salud pa Mama a tuma luga diasabra 8 di augustus di 4:00 p.m. pa 7:00 p.m. na Aleeze Convention Center. E feria tabata sirbi pa trece hunto organisacion y profesional cu ta duna informacion y sosten na mayornan. Un total di 23 bendedor a registra y 19 a participa.
E programa a conta cu presentacion di:
*Midwife Gesner-Orlando Simon: A duna informacion riba retonan di duna pecho y e importancia di un bon agarrada (attachment).
*Fisioterapeuta Pediatrico Juanita Tjon-A-Sam: A presenta riba e tema “No tin Salud Fisico Sin Salud Mental.”
*Testimonio di Mamanan: Señora Ramonda Hanze, Stephanie Carty, y Rebecca Brent a comparti nan experencia personal.
E evento a conta cu presencia di Prome Minister Dr. Luc Mercelina y Minister di VSA Claret Connor. CPS ta gradici tur colaborador, sponsor, boluntario y miembro di publico cu a haci e siman aki un exito.