Nos sa cu nos ta di Dios,y henter e mundo ta bao di control di e malbado. Y nos sa cu e Yiu di Dios a
bini,y a duna nos comprondemento, pa nos conoce esun cu ta berdadero,y nos ta den Esun cu ta
berdadero, den Su Yiu Hesus Cristo. Esaki ta e Dios berdadero y bida eterno. ( 1 Pedro 5:19-20).
Tin hopi famia ta bibando den un luto silencioso, pasando den temporada dificil, bao di atakenan
fuerte di e enemigo, cuanto suicidio no ta tumando lugar, cuanto mucha no ta rebeldia y bandona cas,
cuanto hoben no ta cay sera, inmoralidad y divorcio ta aumenta cada dia, maltrato, abuso verbal a bira
manera un custumber, uso di droga y alcohol a surpasa limite, falta di respet y temor di Dios, ta pone
hende pensa cu berdaderamente nos ta den un scuridad profundo.
Tur e carga aki ta cay riba e famia, pasobra e plan di e diabel ta pa destrui famia y matrimonio, y asina
e por tin mas gara riba e sociedad, debilitando e poblacion, pasobra nos hubentud cu mester ta
preprando pa dirigi mayan cu Dios kier ta wordo contamina, y ta solamente Dios por yuda nos.
No ta tempo pa purba tapa solo cu un dede, pasobra no tin nada cu ta scondi y cu no ta sali na cla,
pasobra aunke tin cosnan cu hende kier sconde, bo ta sinti e presencia di maldad, y di desorden,
pasobra pa hopi tempo nos a duna educacion asina flexibel, sin hinca Dios den Famia, cu awor e cos a
sali for di man.
Mayornan tene cuenta cu no ta tur cos cu un mucha ta desea, nos por complace cune, pasobra e
enemigo tambe ta duna e hobennan ideanan di maldad, cu nan ta bin purba, y si mayornan no ta para
den nan sapato, e consecuencia ta pa nan.
Un cos ta y mester keda bon cla den tur cas: Mayor por fabor, bo yiu mester tin ora di sali, y ora di
yega, bo yiu NO tin mester di keda drumi na cas di amigo of amiga, sinja e mucha cu e tin su cas,
caminda e ta biba y cu tur dia e mester bin cas.
Ban kibra e cos aki pasobra e ta trece problema, y pa ora abo como mayor kier nota, ya e enemigo ta
hopi leu den bida di bo yiu.
No ta e temporada di carnaval aki so, pero tin hopi cos ta cuminsa den e temporada, den cual mayor ta
flexibel, pa e hoben por gosa, pa e hoben por pasa bon, mientras cu tur sorto di sensualidad y
perversidad ta wordo tira riba e hoben.
Antes tur hende tabata preocupa cu un hoben sali na estado den temporada di carnaval, pero awor e
tempo ta mas peligroso, pasobra e hoben por cay den droga, of usando droga peligroso, caminda e por
perde su mente pa semper , hobennan cu ta danja nan mes, cayendo den perversidad y malicia y
despues kier kita nan bida.
Mayor nos kier recorda bo un biaha mas cu abo ta flexibel, abo kier complace, pero e diabel si no ta
flexibel, e a bini solamente, pa horta, pa mata y pa destrui.( Juan 10;10).
Pesey somete boso mes na Dios, resisti e diabel y e lo huy for di boso,hala serca Dios y E lo hala serca
boso.( Santiago 4:7-8).
Sea sobrio, sea alerta, Boso adversario e diabel, ta cana rond manera un leon cu ta grunja, buscando
ken e por devora.
No habri porta pa e enemigo, para firme den Senjor.
Sinceramente, Pastor Marcel Balootje.Nos sa cu nos ta di Dios,y henter e mundo ta bao di control di e malbado. Y nos sa cu e Yiu di Dios a
bini,y a duna nos comprondemento, pa nos conoce esun cu ta berdadero,y nos ta den Esun cu ta
berdadero, den Su Yiu Hesus Cristo. Esaki ta e Dios berdadero y bida eterno. ( 1 Pedro 5:19-20).
Tin hopi famia ta bibando den un luto silencioso, pasando den temporada dificil, bao di atakenan
fuerte di e enemigo, cuanto suicidio no ta tumando lugar, cuanto mucha no ta rebeldia y bandona cas,
cuanto hoben no ta cay sera, inmoralidad y divorcio ta aumenta cada dia, maltrato, abuso verbal a bira
manera un custumber, uso di droga y alcohol a surpasa limite, falta di respet y temor di Dios, ta pone
hende pensa cu berdaderamente nos ta den un scuridad profundo.
Tur e carga aki ta cay riba e famia, pasobra e plan di e diabel ta pa destrui famia y matrimonio, y asina
e por tin mas gara riba e sociedad, debilitando e poblacion, pasobra nos hubentud cu mester ta
preprando pa dirigi mayan cu Dios kier ta wordo contamina, y ta solamente Dios por yuda nos.
No ta tempo pa purba tapa solo cu un dede, pasobra no tin nada cu ta scondi y cu no ta sali na cla,
pasobra aunke tin cosnan cu hende kier sconde, bo ta sinti e presencia di maldad, y di desorden,
pasobra pa hopi tempo nos a duna educacion asina flexibel, sin hinca Dios den Famia, cu awor e cos a
sali for di man.
Mayornan tene cuenta cu no ta tur cos cu un mucha ta desea, nos por complace cune, pasobra e
enemigo tambe ta duna e hobennan ideanan di maldad, cu nan ta bin purba, y si mayornan no ta para
den nan sapato, e consecuencia ta pa nan.
Un cos ta y mester keda bon cla den tur cas: Mayor por fabor, bo yiu mester tin ora di sali, y ora di
yega, bo yiu NO tin mester di keda drumi na cas di amigo of amiga, sinja e mucha cu e tin su cas,
caminda e ta biba y cu tur dia e mester bin cas.
Ban kibra e cos aki pasobra e ta trece problema, y pa ora abo como mayor kier nota, ya e enemigo ta
hopi leu den bida di bo yiu.
No ta e temporada di carnaval aki so, pero tin hopi cos ta cuminsa den e temporada, den cual mayor ta
flexibel, pa e hoben por gosa, pa e hoben por pasa bon, mientras cu tur sorto di sensualidad y
perversidad ta wordo tira riba e hoben.
Antes tur hende tabata preocupa cu un hoben sali na estado den temporada di carnaval, pero awor e
tempo ta mas peligroso, pasobra e hoben por cay den droga, of usando droga peligroso, caminda e por
perde su mente pa semper , hobennan cu ta danja nan mes, cayendo den perversidad y malicia y
despues kier kita nan bida.
Mayor nos kier recorda bo un biaha mas cu abo ta flexibel, abo kier complace, pero e diabel si no ta
flexibel, e a bini solamente, pa horta, pa mata y pa destrui.( Juan 10;10).
Pesey somete boso mes na Dios, resisti e diabel y e lo huy for di boso,hala serca Dios y E lo hala serca
boso.( Santiago 4:7-8).
Sea sobrio, sea alerta, Boso adversario e diabel, ta cana rond manera un leon cu ta grunja, buscando
ken e por devora.
No habri porta pa e enemigo, para firme den Senjor.
Pastor Marcel Balootje.