Awe mainta e Sentro di Reskate i Kordinashon (RCC) di Wardakosta a detektá un boto ku
tabata nabegando direkshon di Kòrsou. Mesora RCC a dirigí e patruya di Jaguar ku tabata riba
laman na e lokalidat di e boto sospechoso. Tambe a pidi Kuerpo Polisial di Kòrsou nan
asistensha pa motibu ku e boto tabata nabegando hopi serka di kosta. Na yegada na e sitio
polis a enkontrá kuater pakete i un tas den mondi. Riba laman e cutter Jaguar a detené e boto
tipo yola ku tres hende hòmber na bordo ku tabata nabegando direkshon di sùit. E tres
hòmbernan, di kual dos Colombiano i un Venesolano a ser entregá na polis pa sigui ku mas
investigashon. Polis a konfiská e kuater paketenan ku ta kontené mas o menos 217 kilo di
mariwana pa por hasi investigashon di e kaso
