Den transcurso di siman pasa e miembronan di Aruba Lions Club, a cuminsa prepara pa un
projecto pa e weekend di dia di mama.
Un cantidad grandi di productonan di alimentacion a wordo paketa pa asina un gran cantidad di
mamanan cu ta den un situacion poko dificil, por a ricibi un pakete cu a wordo reparti pa e
miembronan di Aruba Lions Club.
Durante diasabra y diadomingo e miembronan aki a sali den cayanan rond riba nos isla pa asina
por a hasi entrega na diferente mamanan den nos comunidad.
Hopi mama a keda sumamente contento di por a ricibi un basket y ademas a ricibi tambe un
cahita di bolo y cos dushi como muestra di cariño pa dia di mama.
Mamanan cu a ricibi e paketenan aki no tawata tin palabra suficiente pa por a gradici e
miembronan di Aruba Lions Club cu e bunita gesto aki y tur gradiciendo pa e judansa cu sigur lo
judanan pa algun dia mas den e tempo dificil cu nan ta pasando aden.
Un gesto y esfuerzo cu ta sali di cada un miembro di Aruba Lions Club cu ta hasi e trabou
voluntario pa por juda tur esnan den nececidad den nos comunidad, sigur cu e ajudo tambe
semper cu ta bin for di e pueblo cu ta sostene cada actividad ora mester recauda fondo.
Aruba Lions Cub ta e promer club di Lions na Aruba cu pa mas cu 75 aña ta sirbiendo
comunidad cu bunita projectonan y ta sigui traha pa cumpli cu su metanan.
