Ta papia hopi pero no ta hasi, ainda no tin luz na rotonde di Citgo Sasaki y ta un peliger pa comunidad
Diasabra marduga den careda di 1:45 mas cu 1 patruya a bay direccion di e rotonde pabou di Citgo Sasaki, eynan un auto a dal contra e rotonde.Na yegada di polis, nan a mira cu tabata trata di un Kia Sportage maneha pa un cabayero di edad. E cabayero cu ta e chauffeur no tabata bebi y a conta polis kico a sosode. Segun su version, e caminda ta scur debi cu gran parti di e Avenida e luznan ta paga.Yegando e rotonde enbes di bay rond e la bay strit y dal contra e parti abou . Polis a controla e documentonan di e homber y awo e chauffeur lo tin un casto grandi pa e auto riba un caya cu DOW no a percura pa tin suficiente iluminacion pa siguridad di automobilistanan.
