Diabierna ultimo dilanti di corte di Aruba famia y conocier nan di e hoben Ayden Lanoy a bini hunto pa asina mustra nan dolor y deseo pa tin husticia den e caso di e hoben. Mayornan, famia y conosiernan a bini hunto y den un marcha silencioso a cana bay parlamento pa asina entrega un carta di protesta. Dilanti di corte nos a combersa cu un di e personanan cu a forma parti di organisa e protesta aki Sr. Max NJ ta indica cu tur e preparacionnan pa Sali bay ta dilanti corte pero na momento cu nan mester a Sali polis no a bin pa cera caminda manera cu normalmente ta wordo haci durante di un protesta.
Tambe Sr. Max MJ ta indica cu e por papia pa su mes y e mes ta hopi desapunta cu ministerio publico y den diferente instancianan ta desapunta. Tambe lo entrega un carta na Parlamento y den e carta ta skibi bon cla kico no ta diacuerdo cu ne unda cu tin falta di transparencia y ta indica cu Landsrecherche ta consisti di ambtenaar cu ta polis , ex minister di husticia te ainda no a haci nada cu e bodycam di polisnan cu for di 2023 ta andando y no ta mira nada pa esaki wordo ehecuta. E grupo di protestantnan a cana for di corte pa parlamento y na parlamento lo haci entrega di un carta na presidente di parlamento manera debe ser.
E reunion cu a tuma luga den parlamento pa Max NJ e ta un bon iniciativa , pero ta kere cu tur e cosnan aki ta hopi laat mirando cu tur e reunionnan aki mester a tuma luga caba debi cu e ta un problema structural. NO ta un secreto cu nos sa cu Aruba falta di polis “ no tin suficiente hende “ y tampoco nan no tin ayudo psicologico, tur e partinan ta acumula riba e polisnan cu tin y e consecuencia di tur cos ta e actonan cu ta tuma luga. Lamentablemente tin hopi problema structural y e no ta dies bin un dia pa otro. E echo cu no a traha riba e problemanan aki como pais esey ta laga hopi di desea. Loke cu mester ta bon cla cu e grupo cu ta pidi husticia no ta contra di polis, pero si ta contra di e abuso di integridad cu tin cu ta reina desde cu Aruba a haya su status aparte. Sinembargo e accionnan cu ta haci ta pa haya husticia pa Ayden Lanoy y e unico manera di por logra esaki ta pa uni y ta loke famia y amistadnan ta haciendo.
