Departamento meteorologico di Aruba ta hala atencion di publico cu den proximo 24 ora tin posibilidad di awasero pisa na cierto partinan di e isla. Un ola tropical activo ta moviendo den parti oost di Caribe y lo pasa cu mayoria di weer noord di nos isla. sinembargo, e humedad y instabilidad cu e ta trece cune lo bay ocasiona awasero cu por ta localmente pisa na cierto partinan di e isla y forma molester.
Pa loke ta lama tin cu bisa cu debi na e biento, calcula na beaufort 6 te 7, cu ta 22 te 33 nudo y awasero cu e sistema aki ta bay trece cune, lama lo ta poco bruto specialmente na partinan oost te noordwest di costa durante e paisahe di e ola tropical aki. Olanan lo yega 6 te 7, kisas 8 pia. tambe ta pidi pa tene cautela cerca of den awasero ya cu lama lo bira bruto specialmente den yobida fuerte y cu ta wordo compaña pa lamper cu strena. un aviso pa boto chikito lo drenta na vigor awe tardi 6’or te proximo aviso.Departamento meteorologico Aruba juni 25 2024 2 pm ora local ta emiti un boletin.