Departamento di Impuesto ta contento di duna un bon binida na cinco estudiante cu ta participa den e Business Outreach and Placement Program (BOPP), organiza pa Ministerio di Enseñansa, Cultura, Hubentud y Deporte (ECYS), durante luna di juli.
Como parti di nan practica, e estudiantennan lo wordo asigna na e Business Unit y e Income Tax Unit, unda nan lo haya experiencia practico den ambiente di trabou mientras nan ta conoce con e operacionnan diario di Departamento di Impuesto ta funciona.
“Inverti den nos hubentud ta inverti den futuro di Sint Maarten,” segun señora Sharon Washington, Hefe di Business Unit. “Por medio di programanan manera BOPP nos por ofrece estudiantennan un experiencia valioso den ambiente di trabou, alabes introduci nan na e diferente oportunidadnan cu tin den sector di impuesto. Nos ta spera cu e experiencia aki lo inspira nan pa explora oportunidadnan educativo y profesional den futuro, fortalece nan confiansa y habilidadnan, y duna nan un miho comprondemento di servicio publico.”
Departamento di Impuesto ta desea Christopher Williams, Jada George, Norris Marlin, Tah’Jenique Baron y T’Saiyna Cristian hopi exito y un experiencia di practica fructifero y enriquecedor.