WILLEMSTAD, Curaçao
Djaranson 12 di augustus 2020, alrededor di 11.20 or, riba ordo di Ministerio Publiko, e Tim di Aresto a detene e homber sospechoso J.A.N., nase na Republica Dominicana di 39 aña di edat. E detenshon ta den kuadro di un investigashon relashona ku un kaso di menasa ku morto di un mandatario, ku ta parese den un video riba medio sosial. Detenshon a tuma luga den Wageningenstraat. A presenta e sospechoso dilanti un Fiskal Ouksiliar, ku a ordena su enkarselamentu pendiente di mas investigashon.
