Presidente di centro di Bario Dakota Carmicheal Bikker a yama un conferencia di prensa pa asina anuncia e proyectonan cu e centro ta trahando riba dje. Tin algun actividad cu lo tuma luga den luna di december pa asina e organisacion di centro di Bario Dakota por haya fondo pa asina sigui drecha y reconstrui e centro di Dakota.
Dia 16 di december awo lo ta bay tin un anochi di Pasco den e parkeerplaats di centro di bario Dakota. E evento lo cuminsa for di 5 or di atardi pa 10 or di anochi. Riba e dia aki lo ta bay tin diferente stand nan di cuminda, artesania y tambe articulonan di Pasco cu ta wordo bendi.
Tambe lo ta bay tin dushi ambiente di Pasco cu diferente banda y e atraccion pa e anochi aki ta grupo di Betico cu lo trece un ambiente unico na Centro di Bario Dakota. Di e manera aki ta recauda fondo pa por drecha e centro di Bario.
Tambe di 17 di december lo ta bay tin e fiesta tipico den Bario cu lo tuma luga parti paden den centro di bario dakota y na unda cu lo tin diferente gruponan cu lo bin pa toca. Aki ta bay tin un ambiente total. Banda di e fiesta Centro di Bario Dakota lo bay conoce dos baluarte di Dakota pa asina nan haya e honor mereci pa nan aporte na folklore y cultura. Centro di Bario Dakota hunto cu su parthnernan CEDE Aruba, Bario Unico, Tropical Bottling Company y Hight Performers ta parthnersnan cu ta haci e evento aki possibel.