Diabierna awor, Cruz Cora Aruba ta presenta su evento “Fashion 4 Charity” na Dakota. Un evento inspira pa e temporada dushi di fin di aña y voluntarionan hopi motiva pa recauda fondo pa yuda comunidad pa medio di proyectonan social. Riba e anochi aki lo presenta outfits bunita pa e dianan di fiesta, e fashion show aki ta cuminsa 7or di anochi cu voluntarionan como modelo.
Tambe e popular “Pasa Boca Cruz Cora” lo ta habri cu menu di Pasco, bolo, tempera di spam y di seafood, lasagna, sopi y hopi mas.
Despues di e fashion show, e Charity Bazaar lo habri pa Shopping Night di 8’or pa 10or, pa duna tur hende oportunidad pa haci nan holiday shopping” na prijs di tur cartera.