Diadomingo dia 27 di april ta celebra e fiesta di Divino Misericordia. Nos Señor a papia cu Santa Faustina riba e proposito special di e fiesta aki como un “refugio y proteccion pa tur alma, y specialmente p’e pober pecadonan” cu lo implor’E e dia ey. Mas aleu El a bisa Santa Faustina, “papia cu henter mundo di Mi incomprendibel Misericordia. E alma cu confesa y ricibi Santa Comunion lo haya pordon total di su pica- y castigonan. Ningun alma mester tin miedo di bin cerca Mi, aunke su picanan ta preto manera carbon. E fiesta di Misericordia a sali for di profundidad di Mi Misericordia, Mi ta desea cu e lo ta celebra solemnemente e prome diadomingo despues di Pasco di Resureccion. Humanidad lo no conoce paz te ora cu e bin na e fuente di Mi Misericordia” – saca for di e Diario di Santa Faustina # 699. Nos Señor a bisa cu apesar di Su pasion amargo hopi alma ta bay perdi pesey El a pidi 14 biaha pa celebra e dia aki cu ta “Diadomingo di Divino Misericordia”.
Pa celebra e fiesta grandi aki apropiadamente nos mester ta bon prepara.
P’esey un cordial invitacion ta bay na Aruba en general y henter pueblo di Dios pa bay riba YouTube caminda por haya e charla nan aki bao di e nomber:
Na Papiamento: Lama di misericordia
Ingles: Divine Mercy Sunday Gaudia Skass
Spaño: Magdalena Lourdes “Domingo de la Divina Misericordia”