Un ambiente tenso y carga a domina e ultimo sesion di Parlamento di Aruba, caminda partidonan di oposicion a lanta un bos fuerte contra loke nan ta considera un “actitud dictatorial” di parti di Presidente di Parlamento, Marlon Sneek. E controversia a escala debi na e falta di contesta di Minister di Finansas y Asuntonan Economico, Geoffrey Wever, tocante e vinculacion directo entre e proyecto di ley di Fondo di Inversion (Investment Fonds) y e exigencianan di e Rijkswet HOFA.
E debate a bira cayente ora cu miembronan di fraccionnan di oposicion a confronta e Minister, exigiendo clarificon riba pagina 4 di e ley cu ta mare na e HOFA, locual ta stipula con e fondo aki lo funciona. Segun e cuestionamentu, e asina yama Begrotingsfonds ta parce un instrumento pa apodera di control structural y debilita e derecho di presupuesto (budgetrecht) di Parlamento, lagando decisionnan crucial den man di un comision designá pa Conseho di Minister so.
Un debate sin espacio pa democracia
E sesion a wordo marca pa interrupcionnan continuo caminda Presidente di Parlamento, Marlon Sneek, tabata cera e microfon di e parlamentarionan, cortando nan libertad di expresion legalmente stipula den Reglamento di Ordo.
• Muzaninne Wever (Fraccion FUTURO): A habri e debate exigiendo pa respeta articulo 37 di Reglamento di Ordo. Wever a pidi formalmente pa e debate keda strictly structural riba e topico di e fondo, sin bruha esaki cu e polemica di HOFA, argumentando cu e pueblo mester di claridad y no di distorcion. Cu e peticion aki ta mustra cu tin un miedo interno y un responsabilidad como parlamentario di Pais Aruba ta mustra cu Parlamentario Muzaninne Wever no kier cumpli cu ne.
• Eduard Pieters (Lider di Fraccion di PPA): A cuestiona fuertemente e legalidad di e debate ya cu no tin un Consensusrijkswet structuralmente aproba. Pieters a asentua cu den Pagina 4 di e ley ta para hopi cla unda ta splica con e funcionamiento di e fondo ta mara na hermentnan di austeridad, y a duna di conoce cu debi na falta di un base legal solido, e ley aki no por a wordo trata e dia ey.
• Edgar Vrolijk (MEP): A subraya e falta di respet y e manera con e reunionnan cu Minister Geoffrey Wever ta wordo cancela y cambia continuamente. Vrolijk a categorisa e situacion como un “dictadura” caminda e ministernan no kier duna cara ni contesta na e preguntanan di Parlamento.
• Evelyn Wever-Croes (Lider di Fraccion di MEP): Den un tono preocupa, a señala cu e mesun coalicion di gobierno ta reaccionando den panico total tras di e anuncio di salida di Mike Eman como Prome Minister. Mike Eman a pidi pa Parlamento evalua e traspaso di poder aki cu cautela pa evita un bacio gubernamental, mientras cu e fondonan publico ta wordo centralisa sin bista di e pueblo.
Na mes momento aunke cu den e ley di fondo di invercion riba pagina 4 ta papia duidelijk cu e ta mara na e HOFA Minister Wever ta nenga vinculacion directo. Den cas di pueblo Minister Georffry Wever ta dies nenga aunke tur cos ta skirbi hopi cla riba pagina 4
Den su defensa, Minister Geoffrey Wever a purba di baha e tension splica cu e Fondo di Inversion Begrotingsfonds no tin nada di haber directamente cu e ley di HOFA. Segun e mandatario, e prome fondonan lo bini for di e presupuesto general ordinario di e pais. El a agrega cu si den futuro HOFA drenta na vigor y duna e pais mas “espacio” financiero via refinanciamento, e ora por dicidi pa aloca mas placa na e Begrotingsfonds, pero cu esaki no ta un condicion structural awor.
Sinembargo, e parlamentarionan di MEP no a acepta e explicacion aki y a desmenti e Minister na e mesun momento:
• Endy Croes (MEP): A baha riba e Memorie van Toelichting (Memoria di Splicacion) di e mesun ley, Leyendo textualmente Pagina 4, caminda ta para claramenteskirbi cu e fondonan y e facilidadnan di prestamo ta formalmente mara na e Consensusrijkswet pa e finansas publico di Aruba. Croes a acusa e Minister di kier gaña Parlamento den su cara.
• Xiomara Maduro (MEP): A cuestiona si e Minister no ta lesa su mesun leynan of si coalicion ta purba di “proteha” e mandatario pa e no papia riba HOFA. “Of no ta lesa e ley, of awe kier proteha un minister pa e no papia riba HOFA,” Maduro a declara, indicando un falta di transparencia y madures politico y ta mira claramente cu no por maneha un Pais manera mester ta.
• Dangui Oduber (MEP): A cera e debate acusando e minister di un “falta di respet total” na Parlamento, splica cu den e documento oficial ta para cu e fondonan ta bini structuralmente for di e cooperacion y prestamonan cu Hulanda. Oduber a conclui cu e reunion no por a continua debi cu e ministernan no ta papia cu e berdad riba mesa.Sinembago Presidente di Parlamento ta cere e Mike na momento cu e no ta gusta kico ta ser bisa, esaki ta mustra di un dictadura den cas di pueblo.
E sesion a clausura den un ambiente di consternacion, lagando un interogacion profundo den comunidad riba si Aruba ta caminda pa un centralisacion di poder peligroso caminda e Parlamento ta perdiendo su balor democratico principal.Un modus operandus cu e gobienro actual di AVP –FUTURO ta haciendo.
Dictadura y falta di transparencia den Parlamento pa ley di inversion cu kier introduci pega na HOFA
