Pa loke ta trata noticia di polis, den siman cu a pasa aki nos por a tuma nota di diferente controlnan di polis riba caya . Di e control nan aki polis a parti 110 boet .Diamars atardi te cu mey anochi agentenan policial di Districto di Oranjestad a tene un control di trafico hunto cu DTP. A controla un total di 297 vehiculo tanto auto y brommer. Un control policial tanto prevento y represivo.
Tabata tin diferente boet entre otro;
chauffeur a haya multa pa maneha auto sin belasting valido, sin seguro valido, sin keuringskaart valido, sin safety-belt y diferente otro infraccion.
Trahando den equipo cu sosten di Motor Unit a logra haci e control policial na diferente punto strategico den Oranjestad. Segun Curpo policial E controlnan policial aki NO lo stop. E lo sigui na diferente sitio strategico, diferente orario di dia y na diferente districto.
KPA ta manda un mensahe cla na tur automobilistanan:
E controlnan ta sigio y Preveni un multa halto cu e systema di “Paga bo boet” cu e momento ey bo ta haya e multa den bo man y den un termino cortico pa paga. Sea conciente maneha responsabel cu tur bo papelnan na ordo.
Ban nos tur yuda hunto pa un trafico sigur!
Tambe awe mainta Aruba ta lanta cu un noticia tristo .
Di 8 morto den trafico
Diabierna 9:15 mainta Central di polis ta wordo notifica di un accidente riba caminda principal di retonde Pos Chiquito bay abao.
Ta trata di un accidente serio caminda un auto a alcansa un peaton.
Central di Polis a despacha patruya di polis, ambulance, specialista di trafico y Slachtofferhulp na e sitio.Na yegada di e prome unidad di polis enberdad ta bin topa cu un hende homber riba caminda y no ta reacciona.
Ambulance ta yega na e sitio di e sucedido y ta brinda assistencia medico na e victima pero no por haci nada mas pe.Pa 10:30 docter forensico Scholten ta constata morto di Raimundo Alfonso Koolman 23-01-1959 Aruba (66 aña)
Cuerpo Policial ta manda palabra di condolencia na famia di e fayecido.