BonaireFeatured

Diputado Den Heyer ta gradisí kòkinan pa 12.500 kuminda pa hende den nesesidat

20201105 Persbericht Bc Nh Diputado Den Heyer Ta Gradisi Kokinan Pa 12.500 Kuminda Pa Hende Den Nesesidat

Diputado Nina den Heyer a gradisí 20 kòki ku durante e último lunanan boluntariamente a kushiná 12.500 kuminda na Rum Runners pa hende den nesesidat. Esei a sosodé durante un bishita ku e diputado a hasi siman pasá serka e kòkinan. E proyekto di kuminda a bira posibel danki na donashon di Rotary i medionan di Entidat Públiko Boneiru. Den promé instante e proyekto tabata intenshoná pa un periodo di 7 luna. Pero awor ku el a resultá asina eksitoso i nesesario, Den Heyer ke wak si por kontinuá kuné den futuro.

Na luna di mart di e aña akí, suministradónan i restorantnan a haña nan ku merkansia ku a keda para. Durante e krísis a bira evidente tambe ku hende den nesesidat ku ta haña un pakete di kuminda, hustamente den e tempu ei por a hasi bon uso di un kuminda grátis. E grupo di enfoke aki tabata konosí kaba na Direktorado di Komunidat i Kuido. E ora ei restorant Rum Runners a pone su propio kushina disponibel. Binti kòki ku pa motibu di e krísis temporalmente no por a traha, tabata dispuesto pa boluntariamente duna nan aporte. Empleadonan di Direktorado di Komunidat i Kuido tabata entregá e kumindanan serka e klientenan. E último lunanan semanalmente a kushiná i entregá 450 kuminda.

Related posts

ELMAR y SETAR ta colabora pa introduci un opcion conveniente di pago pa SmartUp Prepaid y EV ChargeUp riba Pay.Aw app

EA News Author

Oficina Central di Estadistica (CBS) a cuminsa cu e Encuesta di Entrada y Gastonan

EA News Author

Perdemento di entrada durante di Pandemia por a conduci na hopi mas problema social si FASE no a keda intruduci

EA News Author

Leave a Comment

Whatsapp Message