Politica

Drs. Mervin Wyatt-Ras contento cu bishita di Kawara na Parlamento


Parlamentario drs. Mervin Wyatt-Ras tabata presente durante bishita di Grupo di nos grandinan Kawara na Parlamento. Tabata un intercambio ameno y por a mira cu nos grandinan a bin bon prepara cu preguntanan hasta critico na nos como parlamentario.

Wyatt-Ras ta agradecido y a expresa esaki tambe na nos grandinan pa e bishita y loke nan ta nifica pa nos. Ta bunita pa mira un cantidad grandi di nos grandinan uni den comunicacion pa haci actividadnan hunto. Esaki ta un ehempel pa nos tur y Wyatt-Ras tin hopi aprecio pa esaki.

E tin cu menciona cu hasta esposa di ex-presidente di parlamento Frido Croes q.e.p.d. tabatey pa ken Wyatt-Ras tin hopi carinjo.

Wyatt-Ras semper a haya importante cu nos pueblo por drenta parlamento y por presencia intercambio entre parlamentarionan.

 

Wyatt-Ras a expresa comprension pa e poder di compra cu a baha y ta afectando nos tur en especial esnan vulnerable den nos comunidad.

Apesar di e meevaller cu gobierno kier introduci lo keda cu BBO lo subi y BTW ta keda pendiente pa e gobierno aki introduci mas aleu. Ta mas cu logico cu nos hendenan ta preocupa cu consecuencia di esaki.

Wyatt-Ras a menciona e ley di ouderenzorg cu a ser introduci na 2015 cu ta e base pa proteccion di nos hendenan di edad, pa control dor di Inspectie Volksgezondheid di centronan di cuido di nos grandinan y cu ta haci posibel cu tin maneho y cu gobierno por bai lanta awor un departamento pa nos grandinan.

Wyatt-Ras ta spera cu mas grupo y organisacion por bishita parlamento. Nos pueblo tin derecho di sa kico ta nos trabou y pa sa con nos ta haci nos trabou y por trece nan critica y preocupacionan. Pesey segun Wyatt-Ras e ta un sirbidor di pueblo pa duna e informacion cu a sirbi interes general.

Mervin Wyatt-Ras ta felicita KAWARA cu su aniversario y ta desea nan hopi exito y e portanan di parlamento ta keda habri pa ricibi nan.

Related posts

Dennerich Kelly: Energia alternativa e forma nobo di corrupcion di Gabinete Wever-Croes

EA News Author

Parlamentario Alan Howell ta aplaudi e decision di extende FASE te december 2020

EA News Author

Parlamentario Alan Howell Awor loke ta conta ta nos pais y nos hendenan

EA News Author

Leave a Comment