Featured Politica

drs. Mervin Wyatt-Ras: Ta imperativo pa Parlamento haya su funcion bek di controla gobierno


Na clausura di e anja parlamentario ta custumber di duna un relato di trabounan den Parlamento. Parlamentario drs. Mervin Wyatt-Ras ta haya cu durante e anja parlamentario cu a pasa 2021-2022 a lanta diferente comision fiho dor di split comisionnan for di otro sin e resultado apropia. Por nota cu comisionnan no a reuni mucho. P.e. gezin en ouderenzorg cu tabata forma parti hunto cu commissie volksgezondheid a reuni solamente 2 biaha. Esaki mientras nos famianan no por mas y no tin pan pa pone riba mesa. Comision di turismo cu ta asina importante pa nos economia a reuni solamente un biaha. Comision di ciencia, inovacion y energia no a ni reuni. Comision labor tampoco no a reuni, mientras nos pueblo ta sin trabou mientras e comision di relacionnan cu America di Norte tampoco no a reuni.

Ni papia di comisionnan di independisacion di Parlamento cu a paga hende pa skirbi rapport no a reuni, ni e comisionnan particular di cambio di nos constitucion, ombudsman y monitoring di SDG’s.  Pa loke ta trata optimalisacion di funcionamento di Staten tampoco no a reuni niun biaha.
Ta lamentable cu e constelacion Mep-Raiz tampoco no ta habri ni transparente pa laga nan coleganan di oposicion tambe ta (vice)presidente di comisionnan. E ora sigur cu si lo traha mas efectivo.  Zogenaamd nan lo por haci miho. E resultado pues di e comisionnan ta un diep onvoldoende.
Banda di esey reunionnan publico cu oposicion a pidi tampoco ta ser otorga manera pidi. Solamente ora ta cumbini gobierno nan ta bin Parlamento pa insulta y critica gobernacionnan anterior sin ofrese perspectiva concreto pa futuro. Tin biaha ta yama bijeenkomsten, cu eigenlijk mester tin caracter informativo, sinembargo e presidente ta haci nan un verkapte reunion publico pa e ministernan por insulta parlamentarionan di oposicion cu limitacion di e parlamentarionan di oposicion pa reacciona of presenta mocionnan of cierto cambionan. Ministernan tampoco no ta contesta preguntanan di parlamentarion por escrito. Tanto hende cu ta cana rond den Cocolishi no por yuda e ministernan contesta preguntanan di Parlamentarionan cu ta ensera preocupacion di nos pueblo.
Aki por mira claramento un deficit democratico. Un otro ehempel ta mocionnan cu ta ser presenta dor di oposicion. Di esakinan practicamente tur ta ser desaproba (mas cu 50%). Di 84 mocion entrega un cantidad di 49 so a ser aproba. Kiermeen mita di e mocionnan presenta so a ser aproba.
Por conclui pues cu e presidente di parlamento aunke e ta gaba su mes continuamente y kier vigila tur parlamentario, no ta draai e parlamento manera mester ta. E por haci hopi mas pa obliga gobierno responde na Parlamento y haci e trabou di control di Parlamento mas efectivo.
Banda di esey den cada reunion ora cu un miembro di Parlamento critica gobierno e presidente mes ta contesta e parlamentario mesora pa defende gobierno. E presidente tin hopi mas di sinja di staatsrecht y di kico ta su rol como presidente. Ultimo el a saca un sra. indefenso foi tribuna djies pa un par di comentario dirigi na e prome minister.
Parlamento ta e organo di mas halto di pais Aruba pero e falta di maneho di e presidente ta haci cu ta gobierno ta controla Parlamento enbes cu parlamento ta controla gobierno.
Wyatt-Ras a bin cu pruebanan concreto pa mustra riba e malfuncionamento. Sigur lo mester bin cambio. Ta imperativo segun Wyatt-Ras pa Parlamento haya su funcion bek di controla gobierno.

Related posts

Minister di Deporte ta felicita seleccion di Aruba cu ta gana Ekipo Internacional cu score di 3-0

EA News Author

Hendrik Tevreden (MEP ) Solamente hunto nos ta logra un Aruba miho pa nos mes y yiunan

EA News Author

Nombramentu Counterpart Statutair Directeur pa CTB a keda selekta

EA News Author

Leave a Comment