Parlamentarionan den parlamento ta perdi den espacio, tur ta sinta manera muchanan manda unda cu no tin voz pa vocifera riba nan propio futuro como parlamentario y nan status como parlamentario. Sinembargo fraccion di PPA y Fraccion di MEP ta mustra di ta consciente di kico ta pasando cu nan propio poder y status cu nan tin como parlamentario di pais Aruba.
E forma con literalmente gobierno di AVP-FUTURO ta bin tira un ley ni den e manera formal cu respet na parlamento di Aruba pa por discuti riba dje y pa parlamento pone su pensamento y of cambionan riba dje, pero no e minister ta bin cu un stapel y ta tira esaki riba mesa y ta bisa cu esaki no ta e concepto di e Rijkswet cu lo mester wordo discuti pa keda entrega na Hulanda , pero esaki ta esun cu a keda entrega caba na conseho di minister di Reino Hulandes y despues cu a entrega esaki , awo gobierno di Aruba kier bay mira kico ta e opinion di parlamento di Aruba riba e documento aki.
E caminda cu gobierno di AVP –FUTURO a cana y e forma dictatorial, bruto y sin ningun respet di presidente di parlamento Marlon Sneek, e forma cu e propio presidente di parlamento ta trata parlamentarionan den parlamento unda cu ta grita y ta mustra su posicion y continuamente ta bou di un presion enorme bou di e gobierno aki cu no ta un gobierno cu tey paso e tin curason na e pueblo di Aruba, pero e gobierno di AVP-FUTURO ta sinta cu 37 % di esnan cu por tabatin derecho di voto durante di e ultimo eleccion. E Gobierno di AVP –FUTURO no tin e mayoria di e pueblo den su totalidad pa back nan up , nan no tin sosten den comunidad di Aruba, pero simplemente pa e modelo di e kiesdeler cu nan a ricibi 4 restzetel ta sostene e gobierno di AVP-FUTURO ta e rason pa kico awe AVP-y FUTURO tin un gobierno awe.
Si mester mira e caranan di parlamentarionan di AVP den sala di parlamento ta sinti y mira bon cla cu nan a wordo silencia , nan mester sinta manera mucha manda y acepta e locuranan di minister Gerlien Croes y Geoffrey Wever sin cu nan lider Mike Eman ta para pa nan como organo di mas halto y tampoco pa pueblo di Aruba.
Parlamentarionan di fraccion di FUTURO ta bisto nan ta sinta den parlamento ta den lala land cu nan no ta imagina pa kico nan ta para pe mirando cu e presion di Minister Gerlien Croes y Geoffrey Wever pa nan meta ta bisto.