Debate parlamentario riba fondo di desaroyo y control di gobernacion un banda kier e control y e otro banda kier e lebertinahe pa haci y deshaci cu placa di pueblo. Den un discusion reciente den parlamento, a tuma luga un debate intenso tocante e legislacion y e maneho di fondo di desaroyo. Durante e sesion, a pone enfasis riba e rol di oposicion y e necesidad di garantisa cu e recursonan aki yega efectivamente na pueblo.
Transparencia y control no tin. Sinambargo Parlamentario Carlos Bermudez a subraya cu e oposicion tin e derecho di scucha y evalua tanto e aspectonan positivo como e retonan den e progreso di pais. E punto di discusion principal ta cu e fondo den cuestion mester sirbi proyectonan cu ta beneficia e comunidad directamente. Den e transcurso di e debate, a wordo trece dilanti cu, den pasado, tabatin preocupacion cu e pueblo no tabata mira e resultadonan spera.Esaki tabata den e mes un temporada cu AVP a pone Aruba den un situacion dificil finansieramente y despues COVID a bin y no tabata por a inverti, paso mester a percura pa tin cuminsa riba mesa prome cu beton.
Segun Parlamentario Carlos Bermudes cambionan den e ley y supervision A haci referencia na e cambio den e maneho, unda a incorpora feedback di oposicion relaciona cu e nota di ‘van Wijzeging’. Esaki a resulta den un demanda pa mas control y un miho structura di checks and balances. Den e contexto aki, a adapta e procedimentonan, incluyendo e duracion di e control, pa garantisa transparencia den e proceso cu a cuminsa for di tempo di FDA y cu mester a cera na 2022.
Critica riba e maneho actual Durante e intervencion, a critica e hecho cu, maske a fortifica e procesonan di control y a crea mas transparencia, tin biaha ta parce cu e esfuerso no ta traduci den e bienestar desea pa e pais. A señala cu e problema no ta e legislacion mes (manera e HOFTA), sino e compromiso cu pais Aruba.
E discurso a termina cu un yamada na e coalicion pa goberna cu e interes di e pais na pecho, enfatisando cu e progreso di e nacion mester ta e prioridad absoluto, mas aya di cualkier otro interes politico. Parlamentario Carlos Bermudez ta pro e ley di inversion manera cu e ta actualmente aunke cu su mes como parlamentario no tin un bista kico ta drenta y Sali pa controla e gobierno na mando.
@farrahboekhoudt0 *Parlamentario Carlos Bermudez; Pro e ley di inversion aunke su mes como parlamentario no tin un bista kico ta drenta y sali pa controla e gobierno na mando *Parlementariër Carlos Bermúdez steunt de investeringswet, ondanks geen zicht te hebben op de in- en uitgaven om de regering te controleren *Member of Parliament Carlos Bermúdez supports the investment law, with lacks visibility on inflows and outflows to hold the government accountable *Parlamentario Carlos Bermúdez a favor de la ley de inversión, aunque no tiene visibilidad de los ingresos y egresos para controlar al gobierno