Diabierna ultimo den parlamento tabatin un reunion historico cu a tuma luga riba tratamento di Rijkswet. Na salida nos a combersa cu parlamentario Otmar Oduber riba loke cu a pasa den parlamento cu e ta un situacion inaceptabel, sinembargo lider di fraccion di PPA ta indica cu Parlamento di Aruba a yama e reunion aki 7 luna pasa , pa ta exacto 30 di januari Parlamento di Aruba ta wardando riba gobierno di Aruba pa presenta den parlamento di Aruba.
Si mester mira kico a tuma luga den sala di parlamento caminda cu dos minister Gerlien Croes y Geoffrey Wever dos persona cu no a biba loke cu Aruba a biba prome cu e status aparte. Ta papia aki di dos minister hoben y cu no a sinti di kico e comunidad aki a lucha pe durante mas di 50 aña na momento cu e luchanan a cuminsa den añanan 43-44 caminda cu a pidi, exigi y a sclama e tempo ey pa tin separacion pa tin status aparte y lamentablemente ta mira cu prome minister Mike Eman ta sinta cu un cara “ als een boer di kiespijn heeft “ sinta den parlamento paso e ta sinta memei di dos minister cu si e no sostene e ley di Rijkswet unda cu partido FUTURO cu ta e unico cu a bisa den debatenan cu nan lo sostene Rijkswet y si Mike Eman no sostene e capricho di Gerlien Croes y Geoffrey Wever gobierno lo cay. E situacion aki ta un falta di respet , un bofta den cara di pueblo di Aruba.
E reunion pa gobierno di Aruba bin parlamento di Aruba pa notifica Aruba di e negociacion di Rijkswet a keda yama 7 luna pasa y den 30 dia parlamento di Aruba mester yama e reunion, sinembargo 7 luna a pasa y presidente di parlamento Marlon Sneek no a yama e reunion y a kibra tur reglamento di ordo. E reunion a wordo yama door di fraccion di PPA sosteni pa fraccion di MEP pero presidente di parlamento Marlon Sneek no a yama e reunion.
E reunion riba su mes ta hopi importante mirando cu mester a papia riba e procedura di Rijkswet , pero gobienor di Aruba ta yega parlamento y ta tira e concepto riba mesa y ta avisa parlamento cu e Rijkswet a keda entrega na Hulanda sin cu a yega parlamento prome sin e aprobacion di parlamento di Aruba.
E Rijkswet a keda entrega na e gobierno di Hulanda demisionario unda cu tin menos di 32 miembro di parlamento den Tweedekamer cu ta sostene e gobierno di Hulanda cu tin na e momentonan aki, esaki kiermen di e 150 miembronan cu tin den Tweedekamer 32 ta esun cu ta sosteniendo na e momentonan aki gobierno di Aruba y na unda cu ta bypass Parlamento di Aruba y ta dies bin bisa cu awo e negociacionnan ta bay cuminsa siendo cu henter e proceso mester cuminsa na Aruba unda cu ta notifica gremionan, sindicatonan y institutonan unda cu mester scucha nan papia cu nan pero e momento ey ainda nos yun no sa kico e contenido ta pa loke ta trata e Rijkswet , awe un bofta den cara di pueblo di Aruba pa e forma cu ta yega tira un Rijkswet riba mesa den parlamento y dies bisa esaki ta e Rijkswet cu a keda entrega na Hulanda, un falta di respet completamente di Gobierno di AVP –FUTURO