SaludFeatured

E mucha su derecho riba cuido di salud

E Mucha Su Derecho Riba Cuido Di Salud...

Diadomingo awo, dia 20 di November ta Dia Internacional di derechonan di mucha. Durante henter luna di november, nos ta pone extra atencion ‘riba e derechonan.

Dia 14 di November ta dia mundial di Diabetis, pa e motibo aki, den colaboracion cu Instituto Biba Saludabel (IBISA) nos kier a enfoka ‘riba Articulo 24 di e Tratado.

Sigun articulo 24 di e tratado di derecho di mucha: tur mucha tin derecho riba cuido di salud y suministracion pa cu tratamento di malesa y recuperacion di salud. Nos como cuidadano di Aruba, tin e obligacion como estado cu a firma e tratado, pa yuda realisa esaki pa e bienestar y futuro di nos muchanan.

Articulo 24 di e tratado di derecho di mucha ta menciona: Nos como estado tin e obligacion pa tuma e medidanan adecua pa combati malesa, desnutricion y mal alimentacion bou nos muchanan. Tambe den cuadro di cuido di salud di prome liña, door di entre otro aplica tecnologia disponibel y door di suministra cuminda cu suficiente contenido nutritivo y awa potabel limpi, considerando e peligernan y risico di contaminacion ambiental. 

Ademas, articulo 24 di e tratado di derecho di mucha ta menciona: cu nos como estado tin e obligacion pa desaroya informacion tocante cuido di salud preventivo, guia pa mayor y facilidad pa cu planeamento di famia. Aruba ta conta cu diferente organisacion manera Instituto Biba Saludabel y Activo (IBiSA), cu ta brinda nos comunidad e sosten y apoyo pa asina nos por bira un comunidad mas sano.

Articulo 24 di e tratado di derecho di mucha ta menciona cu nos como estado participante tin di tuma tur medida adecua pa elimina custumbernan tradicional cu ta dañino pa salud di e muchanan. Esey ta trabou di nos cada un como cuidadano. Ban educa nos muchanan for di chikito caba tocante e importancia di come salubabel y haci movecion. Ban preveni malesanan manera diabetes bou nos muchanan. Yuda nan haci e bon escohencia ora ta trata di co’i come y co’i bebe. Muchanan ta imita loke nan mayornan ta haci. P’esey, ban sea e bon ehempel pa nos muchanan.

IBiSA ta recomenda:

  • Desayuna tur dia prome cu sali di cas.
  • Come 2 fruta pa dia di diferente color.
  • Come 3 cuchara (mitar di bo tayo) di berdura pa dia.
  • Bebe 6-8 glas di awa pa dia.
  • Haci movecion por lo menos 1 ora pa dia.

E Mucha Su Derecho Riba Cuido Di Salud

Related posts

Ronny Maduro ta aclaria publicacionnan cu a keda publica cu ta atacha su nomber

EA News Author

Pa aña 2024 departamento di ambulance lo cuminsa busca chauffeur di ambulance nobo

EA News Author

Notisia di polis di djárason 20 di desèmber te ku djabièrnè 22 di desèmber 2023

EA News Author

Leave a Comment

Whatsapp Message