LocalFeatured

E oportunidad pa tin un diploma den bo man ta depende di abo mes

Director Di Fepa Randolf Vrolijk

Enseñansa ta hibabo unda abo ta desea di bay. Tur hende por kita hopi cos di bo , pero nunca bo estudio y cu esey semper bay bo por lanta bek y Sali padilanti. FEPA e Universidad di Aruba hunto cu enseñansa pa empleo ta brinda oportunidadnan amplio di diferente estudionan y cursonan pa abo scoge bo estudio. Esunnan cu kier crece y bay padilanti esaki ta e oportunidad, habri anja 2021 cu un meta pabo.

Randolf Vrolijk no ta un persona desconoci den nos comunidad y ta trahando  un plan integral pa enseñansa pa adulto.

Director di FEPA e Universidad di pueblo di Aruba Randolf Vrolijk hunto cu enseñansa pa empleo ta duna di conoce cu 2020 tabata un aña cu hopi reto. Sinembargo aña 2019 gobierno di Aruba e reconoce FEPA como un fundacion oficial di enseñansa y  a cuminsa cu PDG opleiding cu ta pa e personanan cu ta desea pa bira docente por a haci esaki.

E tempo ey a bay hopi bon cu di e manera ey  e fundacion a cuminsa crece cu otro tipo di cursonan cu a bin ta duna manera, metsla,managment y boekhouden , pero den 2020 tur cos a cambia na momento cu e pandemia a drenta Aruba.

Esaki a pone cu mester a para un rato y evalua con lo sigui cu e lesnan. Entre maart cu mei e lesnan a bira slow y a dicidi di bay online , pero den augustus 2020 e lesnan practicamente a normalisa. No por bisa cu e tabata un mal anja debi cu aunke cu tabatatin e situacion di COVID cursonan a bay bon unda cu den luna di september y october gobierno di Aruba a aserca FEPA pa tuma enseñansa pa empleo over y cu esaki a sosode tambe.

Actualmente ta trahando cu instancianan Hulandes ,manera LOI  y na unda cu lo desaroya fundacion enseñansa pa Aruba cu lo keda conoci como  Volks Universiteit van Aruba .  Na Hulanda tin e sistema aki caba y awo Aruba lo tin esaki tambe unda cu lo bay enfoca di A t/m Z den nivel 4 , pero e HBO opleidingen nan tambe.

Esaki ta pone cu full Aruba ta haña e oportunidad pa scoge un of mas curso . Segun director di FEPA Randolf Vrolijk e idea ta pa enfoca den tur bario nan , pero tambe traha di serca unda cu por tin e posibilidad pa bay duna les den KIA ,FMA y esunan cu pa un motibo of otro no a logra caba nan estudio, pero tambe pa esunnan cu tin bijstand pa nan por sali di e circulo vicioso ey y bira mas independiente teniendo e oportunidad pa haci un curso y of un opleiding pa bira independiente y stop e bijstand cu ta solamente aporta lo minimo den un cas.

Tin un plan integral dus un maneho nobo cu lo bay bira enseñansa pa adulto. Loke ta un realidad for di informacion di CENSO di 2010 cu 71 % no a caba un estudio secundario, kico esaki kiermen ? cu cada 10 hende 7 of 8 hende no tin un estudio.  Esaki ta e reto di e fundacion unda cu mester trata di sera e buraco aki unda cu por duna oportunidad na Aruba completo e oportunidad pa studia sea cu ta online of no.

E meta prinsipal ta pa e ciudadano mehora su calidad di bida, mehora su posicion den trabao ,pero tambe personal como serhumano lo bo por ta mas critico tambe. 2021 ta e anja cu ta positivo pa Aruba y cu lo bira un aña grandi den e mundo di enseñansa.

Related posts

Awe bulldog ta lanta for di soño

EA News Author

Gosa nos Carnaval sanamente

EA News Author

Delegashon di entidat públiko Boneiru a bai kongreso di VNG pa interkambio di konosementu

EA News Author

Leave a Comment

Whatsapp Message