PoliticaLocal

Parlamentario Alan Howell: Hulpbestuurskantoor San Nicolas mester habri bek no mas tarda cu fin di februari

Parlamentario Alan Howell

Ta conoci cu parlametario Alan Howell ta un di e personanan cu mas ta bringa na bienestar di San Nicolas y for di momento cu el a drenta Parlamento como representante di pueblo, el a bin ta lucha cu alma y curpa pa logra un miho desaroyo pa e parti pariba di nos isla.

Prome cu e pandemia a bati na nos porta por a mira cu despues cu a cera hulpestuurskantoor na San Nicolas, poniendo cu tur e habitantenan, specialmente nos grandinan, cu mester a haci uzo di e servicionan di impuesto, pago di awa y coriente, etc. brinda eynan, mester a bay te Savaneta pa haci esakinan.

Alan Howell a bringa pa habri e edificio aki bek y asina tur esnan di San Nicolas por a acudi eynan y haci uzo di e servicionan brinda un biaha mas.

Lamentablemente, ora Covid-19 a haci su entrada na Aruba y nos isla a bay den lockdown, a cera e Hulpbestuurskantoor aki un biaha mas. Contrario na e demas oficinanan di gobierno, esaki te dia di awe no a habri mas, poniendo e peso atrobe mas riba e habitantenan di San Nicolas, specialmente nos grandinan, pa bay te Savaneta pa haci nan respondinan eynan.

Pa tal motibo, Howell ta haci un peticion na Prome Minister atrobe pa haci tur loke ta na su alcance pa habri e servicionan di Hulpbestuurskantoor na San Nicolas. “Nos hendenan di pariba no por wordo laga atras, nan tambe merece di conta cu servicionan di gobierno den nan districto. Hulpbestuurskantoor San Nicolas mester habri bek no mas tarda cu fin di februari”, Alan Howell a expresa.

Related posts

Cu fe hotelnan por yega pa fin di aña cerca di cifra di aña 2019

EA News Author

Despensa cu Aruba y e otro islanan den Caribe a ricibi ta importante pa drenta scolnan

EA News Author

Carnaval ta dushi pero siguridad di cuminda ta esencial tambe

EA News Author

Leave a Comment

Whatsapp Message