Ta un gran berdad , cu nos ta bibando den tempo trabahoso manera e palabra di Dios ta bisa den 2 Timoteo 3:1-9. Tempo caminda hende ta rebeldia contra Dios, caminda norma y balor, y respet ta cayendo dia tras dia , y nos ta mira e avance di maldad. Den e tempo aki tur hende mester aumenta nan Fe den Dios, pasobra solamente Dios por yuda nos. Naturalesa a lanta cu un inmenso calor cu hopi no por soporta. Desasternan natural ta for di control. Hende ya no ta respeta bida di otro mas. Hamber y miseria ta aumenta cada dia mas. Ciencia. Materialismo, Inmoralidad, Perversidad kier domina mundo. Ta hopi oracion nos mester, y un decision firme pa biba pa Dios, y no kita nos bista for di Su Palabra, pa asina , nos por para firme den e tempo aki.
Palabra di Dios ta bisa nos: Pa Dios nada ta imposibel .( Lucas 1:37) Confia den Señor cu henter bo curason, y no depende riba bo mes comprendemento. Den tur bo camindanan reconoce y e lo dirigi bo berehanan,( Proverbionan 3:5-6). No tene miedo pasobra Mi ta cu bo, no desmaya pasobra Mi ta bo Dios, lo Mi fortalece bo , si lo Mi yuda bo, si lo Mi sostene bo cu Mi man drechi di husticia.( Isaias 41:10). Hopi hende rond mundo ta pasando den un temporada, di frialdad spiritual, y esaki ta aumenta dia tras dia, pa motibo di aumento di materialismo,maldad, y e falta di Fe, hendenan cu manera hopi ta bibando un bida spiritual superficial, caminda nan ta biba manera nan kier y ora cos ta dificil, ta yama riba e nomber di Dios awor ta fria pasobra e tempo di berdad ta trabahoso. Sea alerta para firme den Fe,actua manera homber, sea fuerte. Laga tur loke boso haci wordo haci cu amor. ( 1 Corintionan 16:13-14) Sea sobrio, sea alerta. Boso adversario , e diabel, ta cana manera un leon cu ta gruña, buscando ken e por devora.( 1 Pedro 5:8). Pesey somete boso mes na Dios. Resisti e diabel y e lo huy bay for di boso,Hala mas cerca Dios, y E lo hala cerca boso. Limpia boso mannan , boso pecadornan, y purifica boso curason, boso di curason dobel. ( Santiago 4:7-8). Pasobra Dios no a duna nos un spirito di temor, sino di poder,y di amor y di sano huicio. ( 2 Timoteo1:7). Si boso keda den Mi y Mi palabranan keda den boso, pidi tur loke boso kier, y esaki lo wordo haci pa boso, ( Juan 15:7). Ami ta e mata di wendruif, boso ta e ramanan. Esun cu keda den Mi, y Ami den dje, esey lo duna hopi fruta,pasobra separa di Mi, boso no por haci nada.
Esey ta e lucha diario cu nos tin cu scuridad, y claridad. E scuridad di mundo cu kier hala hende pa destruccion, y e luz di claridad di Cristo Hesus cu ta hiba nos na e berdad, pa nos ricibi bida eterna. Pas Mi ta laga pa boso: Mi pas Mi ta duna boso, no manera mundo ta duna, Mi ta duna boso. No laga boso curason bira intrankil, ni lage tene miedo.( Juan 14:27). Di berdad , e misericordia di Señor no ta caba nunca, pasobra su compasion nunca no ta faya. Tur mainta nan ta nobo,grandi ta Bo fieldad.( Lamentacionnan 3:22-23). Ma Señor ta fiel,y e lo fortalece y warda boso di e malbado. Y cu Señor dirigi boso curason den e amor di Dios y den firmesa di Cristo ( 2 thesalonisensenan 3:3-5).