Prome Minister Evelyn Wever Croes ta expresa palabranan di profundo condolencia na famia y conocirnan di señor Melvin Tromp y Partido AVP cu e fayecimento di e ex Parlamentario. Señor Melvin Tromp a fayece na Colombia diamars 31 di januari di cancer di colon.
“Berdad cu pa ocho aña nos tabata contricantenan politico den Parlamento, sinembargo ora un malesa asina serio ta toca na bo porta, no tin distincion ni di color politico y nada otro. E malesa cancer ta un malesa hopi doloroso na unda mi tambe a perde un ruman na e malesa aki. Como un comunidad, nos mester enfoca mas riba preveni y concentra riba nos controlnan pa preveni esaki y pa evita cu e por sigui causa mas dolor na mas famia.
Cu Sr. Melvin Tromp sosega na paz y cu Dios duna su famianan, conocirnan y Partido AVP hopi hopi forsa den e momentonan aki”, Prome Minister Evelyn Wever-Croes a expresa.