Vice president di fundacion epilepsia Aruba Maryla Solognier ta informa cu diasabra awo 25 october 2025 lo ta bay tin un di dos encuentro social cu e comunidad di Aruba pa por conscientisa y duna informacion di loke e malesa di Epilepsia ta significa.
E biaha aki e encuentro social lo ta na centro San Martin na St cruz y lo tuma luga 9 or pa 12 or di mainta. Den e encuentro social aki importante ta pa e pashentnan cu epilepsia y nan famia por participa na tipo di eventonan asina pa por haya mas informacion y e desaroyo nobo nan cu ta tumando luga. E biaha aki Dokter Emile Keuter cu ta un nefrologo lo ta presente pa duna informacion riba uzo di remedi na un manera consciente.
Un persona cu Epilepsia por trata su malesa di diferente manera pero e manera mas comun ta pa bebe remedi, sea cu ta den forma di pilder of den gota. Sinembargo tambe tin un consecuencia si bo no bebe bo remedi na ora y of si bo no bebe bo remedi mes. Tur e informacionnan aki Dokter Emile Keuter lo trece padilanti pa asina e pashent por sa con por actua miho.
Te ainda na Aruba no tin un cifra concreto cuanto persona na Aruba tin epilepcia, pero na aña 2013 pa 2016 Neurokliniek a haci un investigacion y a resulta cu tin mas of menos 238 persona cu epilepsia na Aruba. Mirando e añanan cu a pasa y cu a haci e ultimo investigacion pa awo ta kere cu tin hopi mas.
E invitacion ta keda na comunidad di Aruba , pero principalmente esunnan cu tin epilepsia y nan famia pa asisti na e anochi social aki hunto cu fundacion Epilepsia Aruba, asina por haya mas informacion con pa anda cu e malesa aki. Diasabra awor 25 october 2025 entre 9 or pa 12or di mainta na club San Martin na St Cruz y e entreda ta completamente gratis.
Press release: Fundacion Epilepsia Aruba
