E panorama politico rond di e Rijkswet Aruba Financieel Toezicht (HOFA) ta tuma un buelta inespera. Mientras cu Presidente di Parlamento, Marlon Sneek, a asigura publicamente cu e sector comercial “sí ta di acuerdo cu e ley”, e lider di e gremio comercial mas grandi di e pais, Frans Ponson, a lansa un hacha constitucional den e argumento ey. Nos di EAnews por a combersa cu Frans Ponson y den un combersacion Frans a indica masha cla cu e gremio no tin un posicion oficial ainda.
E contraste entre e declaracionnan ta habri un buraco grandi den e declaracion di Presidente Marlon Sneek. Miertras politiconan na top ta uza e gremionan como un “scudo structural” pa hustifica un consensus cu Hulanda, e realidad ta cu no tin un decision ainda.
Frans a splica cu e ta depende completamente di locual su “advisornan y abogadonan” highlights p’e prome cu e reunion crucial cu Gobierno otro siman. E bashi aki den conosemento directo ta ilustra e peliger di e velocidad cu cual ta purba pusha e ley aki.
Miertras Sneek a purba bende e idea cu e sector comercial ta cana un solo linea pro-HOFA, Frans a splica cu e directiva structural no por asumi e responsabilidad ey pa mas di 200 compania grandi:
“E cos aki ta mucho grandi pa directiva dicidi pa 200 y pico compania… mi no por bay sali papia pa tur mi miembronan sin sa nan opinion.”
E gremio comercial lo bay tin un reunion cu Gobierno otro siman.Sinembargo e pregunta grandi ta , si gobierno no ta ni duna Parlamento di Aruba tur informacion real rond di Rijkswet HOFA, awo. tin e confiansa cu lo duna e informacion real y corecto na e gremionan? ni Parlamento nan a duna informacion y cana e caminata corecto.
Sinembargo por a compronde ” Despues di e session ey, e lider comercial a anuncia cu lo bay tin un voting (votacion secreto) structural entre e miembronan pa saca un mayoria, y te e momento ey e lo saca un “public statement” di kico ta e pensamento real di gremionan riba Rijkswet HOFA
E realidad aki ta contra-deci Sneek totalmente y ta expone con e politiconan ta asumi consensos inexistente pa manipula e opinion publico y pa sconde e perdida di derecho di desicion di e pais.