E pintor di Aruba Gustave Nouel, cu ta biba na Deventer, ta na Aruba te cu juni pa proyecto ‘PRO DEO’, na honor y gloria di Señor.
Gustave (gustavenouel.nl, cu tambe a bira campeon di schaak na Deventer, 30 di april ultimo) awor ta pinta den un atelier lanta p’e den e kerki como invitado special di kerki protestant di Oranjestad. Debi cu e iglesia Arubano envolvi no por a carga tur e gasto pa e proyecto promocional aki cu Gustave, algun organisacion cristian na Deventer, manera Gemeente OASE y House of Hope, tambe a contribui door di cubri e ticket di avion di Gustave pa e Mission di Arte aki, mustrando asina sosten na e iniciativa di Domi Mos, entrelaza cu e Museo Biblico na Aruba.
E impulsor original di Museo Biblico, domi Van den Doel, a regala su extenso coleccion internacional di Bijbel n’e museo, siglo pasa,
Algun Bijbel ta antiek di varios siglo. E pintura intemporal di Gustave inspira pa Bijbel, tabatin un gran balor visual pa hopi hende…
Como no tabatin un fundacion e tempo ey, e proyecto tambe a «muri» despues cu domi Van den Doel a fallece Nouel su pinturanan a keda asina bon warda n’e iglesia, cu casi nan a ser lubida.
Recientemente domi Kees Mos, pensionado, cu un bida di experiencia, a bira pastor interino voluntario, «sin pago»,na kerki Protestant di Oranjestad.
Asina cu ds Mos a «descubrió» e pinturanan di Nouel, e kier a conoce e pintor. Domi Kees Mos a tuma contacto cu Gustave na Hulanda y hasta a bishita su atelier. Nan prome encuentro, na un exposicion di asociacion di artista DAK (https://www.deventeramateurkunstenaars.nl/lessen-en-begeleiders-1) den iglesia Protestant Lebuïnus, domi Mos a comenta abiertamente na algun artista cu tabata alumno di e conosido pintor Arubano, cu su intencion tabata trece Gustave bek Aruba… Domi Mos a logra tambe pa trece Gustave pa crea dos pintura nobo (‘Creacion’ y ‘Rey David’) pa Museo Biblico, como Mission Artistico.
E contacto entre domi Kees Mos y pintor Gustave Nouel a resulta den intencion actual pa promove e Museo Biblico di Aruba y tambe explora opcion pa logra un museo pa artista local (soño di hopi artista desde siglo pasa).
Y pa check proyecto cultural cu por ta valioso pa kerki en particular y pa comunidad Arubano.en general.
Prome paso crucial pa continuidad ta pa tin un fundacion cu hende motiva pa realisa esaki.
Con cu ta, un museo Biblico reconosi na Aruba, tambe lo por motiva mas hende/artista pa laga Bijbel inspira nan.
