Helicopter di defensa cu a cay na Aruba no tabata tin ningun problema tecnico

E helicopter di defensa cu a cay na Aruba algun luna atras a keda hiba Hulanda y a haci investigacion riba dje. E investigacion a keda cla y e resultado di e investigacion tabata debi cu e helicopter di defensa tabata bula hopi abao. Segun e investigacion na momento cu e tabata bula hopi abao y a bay haci un bocht contra di e biento cu a conduci cu e helicopter a crash. E marinier di 34 aña y e coordinador di 33 aña no por a kita nan mes for di e safty cu nan tabata tin na tempo y a conduci cu nan a perde nan bida den e crash di e helicopter na Aruba. Den e investigacion a resulta cu e conopi cu mester primi pa asina e helicopter haci e bocht a bay mes un lihe cu e biento . Esaki a pone cu e helicopter a perde e velocidad di haltura y den algun seconde a crash y a cay den e awanan di teritorio di Aruba. E helicopter no tabata tin ningun problema tecnico. E otro dos mariniernan cu tabata den e helicopter por a logra los na tempo y nan a keda saca for di awa. Esaki ta e prome informacionnan cu e investigacion cu a keda haci dor di e ‘’onderzoekraad voor veiligheid na hulanda. Sinembargo e investigacion no a caba ainda.