Den su relato anual di 2024, e Organisacion di Trabou Temporal (TWO Hulanda) ta
wak bek cu e tema Forsa di Colaboracion. TWO Hulanda ta trahando hunto cu
Aruba, Corsou y Sint Maarten pa mas di cuater aña caba riba ehecucion di e
Paketenan di Pais. Tras di cortina, ambtenaarnan y expertonan di e tres paisnan,
den colaboracion cu TWO y otro departamentonan Hulandes, a bin ta traha duro
riba e reformanan durante e ultimo cuater añanan.
“Den e relato anual aki, nos ta highlight algun di e trayectonan aki. Trayectonan cu
ta duna un contribucion duradero na mehoracion di e autosuficiencia di e paisnan
Caribense. Trayectonan cu ta mustra e forsa di bon colaboracion den Reino y con
esaki ta haya un interpretacion diferente den cada trayecto, dependiendo di kico ta
cuadra miho”, segun Judith Jeurissen, manager di programa di TWO.
Proyectonan ku ta fortifica di forma duradero
E relato anual ta encera entrevistanan cu expertonan di Aruba, Corsou y Sint
Maarten cu ta lidera proyectonan cu ta den operacion caba y ta fortifica e paisnan
den un forma duradero. Na Aruba, Edwin Brugman ta papia di e reformanan den
cuido medico, unda e meta ta pa mantene cuido medico pagabel y accesibel. John
de Lannoy ta papia tocante e desaroyonan rond di e transformacion di Servicio di
Impuesto di Corsou, caminda calidad, transparencia y rapidez mester bira e norma.
Roxanne Howell y Candia Joseph ta conta tocante e maneho financiero di Sint
Maarten. Nan ta describi e pasonan concreto cu ta tuma pa haya mas control riba
finansa di gobierno pa medio di un miho suministro di informacion financiero. E
lector lo haya tambe bista general di varios proyectonan for di e Paketenan di Pais
cu a completa na 2024.
Bista di pafo
Huntu cu e tres paisnan, TWO ta firmemente compromete na un maneho
financiero saludabel, educacion duradero y un aparato gubernamental cu ta
funciona bon. Tin biaha un bista di pafo pa controla si nos ta riba bon caminda
ainda ta hopi valioso.
Datum
9 juli 2025
“Pa e relato anual aki, nos a pidi Maria van der Sluijs-Plantz y Richard Doornbosch,
kende sigui e Paketenan di Pais for di comienso, con nan ta mira kico e
colaboracion a duna te cu awor. Tur dos ta declara cu e forma special di
colaboracion di e areglo mutuo ta un exito riba su mes. Un colaboracion cu ta
promove responsabilidad propio di e organisacion y sinergia di e paisnan. Si bo
prepara esaki bon, lo bo disfruta di dje pa decadanan,” Jeurissen ta bisa.
2024 den perspectiva financiero
Na 2024, TWO a gasta € 19.4 miyon na e implementacion di e Paketenan di Pais. Na
2023, esaki tabata € 19.7 miyon y na 2022 € 14.2 miyon. Esaki ta regarda tanto
financiamento di proyectonan (programa) como gastonan pa empleadonan di TWO,
otro departamentonan specialisa Hulandes y expertonan cu ta wordo contrata of
fia pa proyectonan specifico den e paisnan (aparato).
Pa Aruba, un total di € 4.9 miyon na gastonan regular di programa a wordo haci na
2024. Esaki pa gran parti a bay pa fortifica e funcion financiero y implementacion di
e modelo di tres liña di defensa (€0.7 miyon). Pa Corsou e gastonan di programa a
suma na €2.4 miyon, di cual e parti mas grandi (€0.7 miyon) a bay pa e programa
Mehoracion di Funcionamento di Gobierno. Sint Maarten a ricibi €5.4 miyon y a
inverti mas tantoden e programa Futuro di Finansa cu €2.3 miyon.