FeaturedLocal

Hende muhe den prensa

Hende Muhe Den Prensa.2

E mundo di Periodismo, Prensa y Media ta un mundo cu ta wordo domina primordialmente pa e ser masculino. Durante añanan 80 e profesion di periodismo tawata un profesion cu e ser femenino no tawata tin acceso pa eherce, y esunnan cu tawata tin suficiente curashi pa eherce e profesion, a enfrenta discriminacion den e profesion mes. No obstante tur obstaculo, e ser femenino semper a sa di persevera y lucha pa su debido luga den e profesion di prensa. Awe riba Dia di Prensa, nos kier celebra nos hende muhe den Prensa di Aruba.

Kisas ta e carisma, of e confianza cu un ser femenino ta ofrece su audiencia, pero si nos mester ta sincero, e ser femenino ta representa e weso di lomba di un comunidad. Un voz cu ta guia, cuida, informa, educa y entretene. E calidadnan perfecto pa un periodista of miembro di prensa.

Si nos tira un bon bista den historia di periodismo, e prome corantnan tabata wordo produci den imprentanan familiar unda e ser femenino a sa di tuma encargo den ausencia di e hende homber. Durante siglo XIX, e muhenan a crea publicacionnan cu tabata enfoca riba movemento reformista manera abolicion, educacion, e sufrimento y, den e caso di China, e fin di footbinding. Durante siglo XX, hende muhe a explota como “rumannan di yoramento” y “damanan di engaño” pa e corantnan metropolitano, pero sin embargo nan a establece nan mes como reportera y coresponsalnan di guera, aunke nan a wordo contrata principalmente pa cubri noticia di muhe y di sociedad. Na cuminsamento, e hende muhe tawata practicamente exclui di e noticiero di radio y television, pero e crecemento di e movemento pa e derechonan civil na Merca y e liberacion di e hende muhe na un nivel internacional, a amplia e oportunidadnan pa e ser femenino den prensa enormemente, a pesar di e prehuicionan cu nan ta keda enfrenta hasta awendia na aña 2023. Durante cuater siglo, e hende muhe a sobresali den e profesion di periodismo y a sa di laga nan voz wordo scucha den un mundo cu ta ser domina pa e ser masculino.

Na Aruba, e trabou di un periodista femenino no ta uno facil. E simpel hecho cu nos prensa local ta primordialmente domina pa e ser masculino ta duna un idea caba con balansa e cosnan ta. Mescos cu na nivel internacional e ser femenino a wordo y ta wordo discrimina y limita den e profesion, aki na Aruba esaki no ta un excepcion. Como un hende muhe den prensa, tin un expectativa cu e hende muhe mester traha mas duro pa logra haci su entrevista, su pregunta dificil of menos popular. Como un ser femenino den prensa, bo mester ta confortabel den bo mesun cuero y bo mester traha duro pa locual bo kier trece dilanti pa bo audiencia lesa, scucha of mira. Tin hopi persona cu ainda no ta respeta e ser femenino den e profesion di periodismo, pero como un persona cu a crece cu e voz di  nos ser femenino den prensa, mester menciona cu ta haci falta di mas voz femenino den e profesion di perdiosmo na Aruba.

Manera historia a sa di prueba, e ser femenino lo semper persevera y destaca. Ken sa, kisas aki algun aña nos prensa local ta wordo domina pa hende muhe. Pa e aña aki, nos ta spera di trece un rosea fresco den nos prensa local y cu e speransa cu nos por eleva e calidad di nos prensa local aki na Aruba.

Hende Muhe Den Prensa.66Hende Muhe Den Prensa.6Hende Muhe Den Prensa.5Hende Muhe Den Prensa.3Hende Muhe Den PrensaHende Muhe Den Prensa 1

Related posts

Parlamentario Arthur Dowers Friends and family ta landa den placa pero trahadonan publico tin cu sacrifica

EA News Author

EU Head of Delegation Van Nes visits Saba

EA News Author

Minister di Salubridat publico di Sint Maarten Omar Ottley no ta contento cu tardansa di construccion di Hospitaal nobo

EA News Author

1 comment

Hende muhe den prensa - EA News Aruba - Notisia 365 September 1, 2023 at 1:21 pm

[…] Source link […]

Reply

Leave a Comment

Whatsapp Message