InternacionalFeatured

Hoben di 15 aña a mata ful su famia na Spaña

Hoben Di 15 Ana A Mata Ful Su Famia Na Spana

(De Telegraam) Hoben Spaño (15) a tira su mayornan y ruman mata debi cu a haya straf paso e la ricibi mal cifra na scol. Un hoben di 15 aña mester confronta su mes cu seis aña di prizon debi cu e la mata su mayornan y su ruman homber di 10 aña di edad. Esaki a sosode despues cu e hoben a ricibi un straf door di su mayornan mirando cu e la ricibi mal cifra na scol. E drama a tuma luga na un bario di Algoda na Elche banda zuid west di Alicante.
E straf cu e hoben a ricibi, ta cu e no tin mag di bay riba internet y tampoco wak TV, pero tampoco e no tin mag di sali cu su amigonan pero e mester keda cas y haci trabao di cas. E hoben a rabia asina tanto cu e la bay tuma e arma di su welo y a bay direccion di su mama y a tira su mama.
E ruman homber cu yama Gonzalo a trata di core bay, pero e la keda tira den su lomba na momento cu e tabata coriendo pa scapa su bida. E hoben Santi despues cu a tira su famia a sconde e curpanan. E tata Jaime a bin cas despues y a bringa cu e hoben y a trata di kita e pistol for di e hoben su man, pero e hoben tabata hopi mas fuerte cu e tata unda cu a logra haya e arma bek den su man y asina e tira su tata tambe mata.
E hoben a biba algun dia cu e curpanan den cas y durante cu e tabata na cas e tabata hunga VIDEO game y a yama su scol y haci mane ta un miembro di famia e ta y a bisa cu e no por bay scol debi cu e tin corona.
Despues cu algun tantanan a bini cas di bishita y hoben a conta di loke cu e la haci. Na momento cu polis a interoga e hoben e la duna di conoce cu e la haya un anval di rabia. Den e caso aki expertonan a interoga e hoben y a kita di discusion cu e hoben tin un trastorno y a duna di conoce cu e hoben tabata sa bon cla kico e la haci y cu e no tin ni duele di loke e la haci cu su famia. Segun cu ta poni den e storia di Daily Mail tabatin un buki den su lista di bukinan pa scol unda cu e lo mester a lesa con un hoben di 16 aña a mata su tata y dos di su tres ruman homber y ruman muhe.
E drama a tuma luga den luna di februari di e aña aki y su castigo cu e la ricibi di prizon ta 6 aña cu ta e straf maximo cu e por ricibi door di su edad, asina e Corant Britanico a duna di conoce. E hoben lo wordo cera hunto cu hobennan delincuente den un di e partinan di prizon. Foto De Telegraaf

Related posts

Ricardo Croes di RED: Tres iniciativa di ley riba integridad ta di partido RED

EA News Author

Studiantenan di Lei di e ‘honors program’ di UoC di bishita na SER

EA News Author

Minister Ottley di St Maarten no ta duna ningun permiso pa sera 2 or di madruga

EA News Author

Leave a Comment

Whatsapp Message