Sosteniendo fundacion Mi Cutisa, un biaha mas Addonsito Croes ta saca riba mercado di Aruba, su revista infantil KiNiKi. Esaki ta e di 13 edicion di KiNiKi y tin como meta recauda fondo pa e fundacion Mi Cutisa. Algun seccion y wega educativo den dje ta E cabaynan blauw, Busca Bon, Malva Malvada y Gala Galante, Puzzel cu Dylan y Mariela, Banderanan di Mundo, Muchanan Activo y mas. Danki na un y tur cu a colabora cu nan talento den e edicion aki.
Pa mas informacion por manda un whatsapp na 5602626. Tambe e ta obtenibel na De Wit y Van Dorp, Cabayero’s barbershop, Wall Paintings Aruba, Casa intertoys y Plaza Bookshop. Pronto tambe na scolnan basico di Aruba.