E Sentro di Operashonnan Marítimo (MOC) di Wardakosta a risibí un yamada di un kaso
djabièrnè anochi di Kuerpo Polisial di Hulanda Karibense (KPCN). Tabata trata di un kaso di
un hòmber hulandes kual a tuma kontakto ku polis pa motibu ku e la pèrdè ora e tabata kana
den e área di mondi di Bolivia na Boneiru.
Afortunadamente, e hòmber tabatin su telefon kargá huntu kuné, ku a pone ku e por a yama pa informá polis di su lokalidat den e ‘mondi’ skur di anochi i densamente yen di palu. El a informá ku su awa pa bebe a kaba i ku e tabata sinti su mes hopi nervioso.
Despues di a risibí e mensahe di KPCN, MOC a despachá e helikòpter di Wardakosta pa
Boneiru pa asistí e persona pèrdí. Polis tambe tabata presente den e área. Durante e
búskeda, ku yudansa di polis, e hòmber a ser lokalisá rapidamente ku e helikòpter i a
transport’é pa aeropuerto. Na aeropuerto, e hòmber a ser entregá na polis.