Investigacion tocante salud di hobennan di 13 te cu 17 aña

For di 11 te 22 di september 2023 ta haci un investigacion na Boneiro riba salud di hobennan di 13 te cu 17 aña. Pan American Health Organization, PAHO, ta haci e investigacion aki mundialmente. 

E meta ta pa den futuro mehora yudansa pa hoben, haciendo uzo di informacion for di e investigacion. Pa e investigacion departamento di Salubridad Publico ta traha estrechamente hunto cu PAHO.

Den e lista di pregunta nan ta haci pregunta tocante entre otro kico hobennan ta come y bebe. Tin pregunta tambe tocante higiena personal. y tin pregunta tocante tentamento, cyber bullying y tocante droga, violencia, emocion y sexualidad.

E investigacion ta tuma luga na scol durante e oranan normal di les. E scolnan ta coopera cu ehecucion di e investigacion. E hobennan no ta obliga pa participa y nan no tin mester di skirbi nan nomber ora di contesta e preguntanan riba papel. Ora e caba yena e lista di pregunta, e hoben mes por tira e lista den un caha. 

Di e manera aki niun hende den e local no por mira kico e hoben a yena. Pa medio di carta y un foyeto a informa mayornan di hobennan di 13 te cu 17 aña tocante e investigacion. Na scol e alumnonan a haña e informacion di nan mentor.

Algun tempo pasa departamento di Salubridad Publico a haci un investigacion di prueba. E tempo ey hobennan di 18 aña a yena un lista di pregunta. Na final nan a conseha cu e participantenan mes mester tira nan papel cu contesta den un buzon. Di manera cu niun hende no por mira kico nan a yena.