Jan Helmond a pidi Rey pa entrante 1 di januari 2027 dune su retiro como Representante di Reino interino. Aunke cu su nombramento segun ley ta sigui te na momento cu e cumpli su setenta (70) aña di bida, ela scoge pa stop mas prome. Te e momento ey elo sigui compromete su mes incansablemente pa e interesnan di ciudadanonan y gobiernonan na Hulanda Caribense y di Reino. Despues di e periodo aki elo bay aplica su conocemento y experencia ampliamente for di un posicion liber como netwerker/consehero den Reino, haciendo esaki for di su propio compania.
Jan Helmond: “Despues di a fungi pa nuebe (9) aña den e funcion aki a yega tempo pa un otro tuma esaki over. E ta un momento natural tambe pa motibo cu e discusion tocante renobacion di WolBES y FinBES cu tur probabilidad ta desea un otro tipo di mandatario. Ultimo añanan mi a experencia momentonan intenso manera reconstruccion despues di orcannan, COVID, e hopi cambionan di gobierno y e intervencion administrativo na Sint Eustatius. Pero tambe mi a mira iniciativanan bunita cu a contribui na bienestar di ciudadanonan riba e islanan. Hopi cos a drecha pero ainda tin hopi cos mas pa haci.”