Politica

Jennifer Reyes: Fraccion di AVP kier sa di Minister Oduber con prepara Aruba ta pa coronavirus


ORANJESTAD, Aruba

Parlamento a bini hunto despues cu e miembronan a manda serie di pregunta pa e Minister encarga cu Salubridad Publico Dangui Oduber. Tur esaki relaciona cu Covid-19 of Coronavirus.

Presidente di Parlamento a haci un peticion na e mandatario pa acudi na e organo aki y duna un relato di e situacion di Aruba, specialmente con Aruba ta prepara y ki tur medida a tuma caba. Parlamentario di AVP Jennifer Arends Reyes tabata presente y a expresa di tabata ora cu e mandatario mester a bin duna informacion. 

Segun e ta bisa, pa mas cu un luna caba a manda pregunta pa Minister Oduber riba e tema di Coronavirus. Como Parlamentario y ciudadano tambe, kier tin e informacionnan corecto di e pasonan tuma. E mes a bin ta siguiendo informacionna internacional y por bisa cu tin un crisis di salud, mas awo cu World Health Organization a dicidi di declara e malesa di Covid-19 (Coronavirus) como un pandemia. 

E ta un situacion cu mester wordo tuma na serio, apesar cu Aruba no tin caso ainda. Y mester ta bon prepara pa momento cu surgi caso. 

Den e siman cu a pasa ya caba a reuni den e comision interno di Parlamento riba e tema aki y den e reunion di diaranson atardi cu presencia di e mandatario encarga, a haya informacion di kico tur e organisacionnan trahando hunto ta haciendo.

Fraccion di AVP tabata kier informacion riba e Protocol estableci, con y si e pueblo ta wordo debidamente informa di instancianan na unda mester acudi na momento cu tin duda of preocupacion, con accesibel e ayudo ta. Loke nan kier confirma ta con y si Aruba ta bon prepara pa casonan asina.

Related posts

Parlamentario Michael Lampe cu un tono basta skerpi ta cuestiona e uzo di ayudo social pa departamentonan cu ta cay bou di Ministerionan di Prome Minister Evelyn Wever Croes

EA News Author

Ricardo Croes (RED) Costo di bida ta un pandemia na Aruba

EA News Author

Prome Minister Evelyn Wever – Croes: Prome minister a participa na e cumbre virtual, energy summit iii “Gobierno ta buscando un maneho balansa unda ta pone e ser humano central”

EA News Author

Leave a Comment