Awe, djarason 8 di febrüari, alrededor di 4 or di marduga meldkamer a risibí notifikashon tokante un kandela na un kas situá na Kaya Johanna. E 3 personanan den e kas a logra sali sano i salvo i un di nan mes a logra paga e kandela. Brantwer ku tabata na e sitio a hasi e investigashon nesesario pa konfirma ku e kandela lo por a sende bek. Pafó a surgí un diskushon ku un di 4 persona ku tabata na e sitio di kua ta sospechá ku e posiblemente a sende e kandela. E diskushon a kulmina den un kaso di hinkamentu despues di kua e sospechoso a bandona e sitio. Ambulans a transporta e viktima pa hospital pa tratamentu mediko. Alrededor di 6.30 or di mainta a logra detené e sospechoso di inisial J.J. di 19 aña di edat na un kas situá na Kaya Barakuda. E sospechoso tambe tabata heridá i ambulans a transporte pa hospital pa tratamentu mediko. E kaso ta bou di investigashon.
Kas na kaya Johanna na kandela
