Djamars 7 di febrüari 2023 alrededor di 16.21’or, Sentral di polis a risibí yamada di un hòmber ku a indiká ku el a kaba di asesiná su doño di trabou na un establesimentu riba Cas Coraweg.
Na yegada di e prome unidat polisial a topa ku un hòmber ku herida di bala parti ariba di su kurpa i ku no ta duna señal di bida. Dòkter di polis a yega na e sitio i a konstatá morto di e víktima.
Alrededor di 17.05’or un unidat di UST a detené e hòmber sospechoso A.M.B.T., di 30 aña di edat nasé na Venezuela, na su kas den área di Fuik relashoná ku e kaso di asesinato ariba menshoná i violashon di lei di arma di kandela.
E kurpa sin bida a wòrdu konfiská riba òrdu di Fiskal di Ministerio Públiko pa mas investigashon.
A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.
1 comment
[…] Source link […]