PoliticaFeatured

Minister xiomara maduro a firma protocol di proyecto piloto entre gobierno y companianan di seguro

Proyeco Piloto Compania Di Seguro 01

Minister Xiomara Maduro a firma hunto cu Minister Andin Bikker un protocol pa un Proyecto Piloto di seis luna entre Gobierno y companianan di seguro pa introduci un comprobante digital di seguro di auto.

Un colaboracion entre Gobierno y tres Compania di Seguro pa crea eficiencia

E companianan di seguro, Ennia, Citizens, Guardian Group a uni y hunto cu Gobierno di Aruba por medio di Cuerpo Policial, Ministerio Publico, Departamento di Impuesto y e compania INSight Insurance Platform, a traha riba un proyecto piloto pa asina ofrece un comprobante di seguro di auto den un forma digitalisa. Di e manera aki ta bira posibel pa e asegurado por comproba na un manera mas facil, eficiente y sigur dilanti autoridad cu e tin un seguro valido pa su vehiculo di motor. E proyecto di comprobante digitalisa di seguro di auto lo crea eficiencia den e proceso pa yega na haci pago y haya plachi number di auto y lo yuda Cuerpo Policial tambe cu e control di documentacion necesario pa usuario di e careteranan di nos Pais. Aparte di e tres companianan di seguro, e intermediarionan di seguro Bsure y Boogaard Assurantiёn tambe ta participa den e proyecto piloto aki.

Un paso mas lew den direccion di digitalisacion

Minister Xiomara Maduro durante su discurso a gradici e ehecutivonan di e companianan di seguro, Ennia, Citizens, Guardian Group, INSight Insurance Platform, y a gradici tambe Cuerpo Policial, Ministerio Publico y Departamento di Impuesto pa tur e trabaonan haci pa por a haci e proyecto piloto di comprobante digitalisa di seguro di auto un realidad. E proyecto aki ta hiba Aruba un paso mas leu den e direccion di digitalisacion y pesey ta pas den e vision di Gabinete Wever-Croes riba e tereno di e-government na bienestar di nos Pais.

 

Proyeco Piloto Compania Di Seguro 04Proyeco Piloto Compania Di Seguro 03Proyeco Piloto Compania Di Seguro 02Proyeco Piloto Compania Di Seguro 01Proyeco Piloto Compania Di Seguro 05

Related posts

Ashley Krozendijk – Local Pride Den e proximo 2 lunanan lo cuminsa prepara e tereno pa mas produccion y variacion di berdura

EA News Author

Prome Minister Evelyn Wever-Croes a reuni cu UN Women riba e tema importante di e posicion di hende muhe

EA News Author

Evento Symphonic-Canvas comprometi pa trece algo diferente pa mundo di arte

EA News Author

Leave a Comment

Whatsapp Message