Ministerio di Maneho di Gobernacion, Planificacion y Servicio Publico ta informa cu Publieke Zaken (Kranshi) tin fecha reserva pa mayornan por pasa saca Uittreksel relaciona cu inscripcion pa scol secundario.
Pa e hobennan cu mester inscribi na scol secundario, e mayor por pasa busca su Uittreksel na Kranshi. Pa evita aglomeracion Kranshi a reserva specialmente diaranson 23 di juni 2021 y dialuna 28 di juni 2021 pa e ocasion aki. E orario riba diaranson 23 di juni ta di 8’or di mainta te 3’or di atardi y dialuna 28 di juni di 4’or te 6’or di atardi. E Uittreksel ta costa Nafl. 10,= y den e caso aki por swipe of paga cash. Mester presenta cu un identificacion valido.
Kranshi ta duna solamente e siguiente servicionan dia 23 di juni:
Registracion di nacemento (op yiu);
Registracion di fayecimento;
Uittreksel pa e yiu cu a pasa pa scol secundario.
Riba dialuna 28 di juni di 4’or pa 6’or di atardi ta duna solamente e servicio akí:
Uittreksel pa e yiu cu a pasa pa scol secundario.
Despues di e fechanan ariba menciona lo mester traha cita via sita@gobiernu.cw òf yama 434-1690.
1 comment